أداة التثبيت YAST2
عارف انت قليل لما بتقرب من اللينكس وتدخل عليه من قايمة GRUB Bootloader ومكسل ... وحاسس اني اللينكس ده حاجة ضلمة قوي ...
اطمن ... انت كده طبيعى جدا ... ﻷن دية بداية أعراض اﻷنسحاب .. وبإذن الله خير
وبعدين احنا ضحينا بالجنين في مقابل اﻷم ... يعني شغالين مش واقفين يعني !
الموضوع ابسط من كده بكتير يا أخي طبعا اللينكس مش لطيف من أول مرة ودايما هتلاقى تحديات ومشاكل ... المهم لما تلاقيها متقلش وانا مالي ... هو ده طريقك الحقيقي لتعلم اللينكس من غير كده ...
ايوة بس انا حتى مش عارف اعمل شات !!$%&*
عارف والله ... بس ما باليد حيلة ... انت لازم تدور على البدايل وتحاول تدور في المنتديات وتشوف الناس اللي سبقوك عملوا ايه عشان يعملوا شات ... وبعد كده بإذن الله هتقتنع تمام اﻷقتناع ان الموضوع ميستهالش إني انت تعمل شات أصلا ...
ايه رأيك يا عم ... حاجة زي الفل صح
نكلم جد شوية يا سيدي فيه بدايل كتيرة تخليك تعمل شات على اللينكس ... بس للأسف أنا مش بصدد ذكرها دلوقتي .. أنا آسف
أنا اﻵن بصدد ذكر حاجة أعم شوية ... وهي أداة التثبيت العام ... وفي حالة سوزة هي اسمها ياستYAST=Yet another Setup Tool
'طبعا دية حاجة خاصة بكل توزيعة واللي اوقات كتير بيفرق توزيعة عن توزيعة هية اﻷداة ديه .. ومدى سهولتها وقوتها واتزانها ومعايير تانية كده كتير ...
ولكن مفيش اختراعات يعني ... يعني لما حضرتك تروح على توزيعة الواقواق وتستخدم أداة تثبيت الواءالواء ... حضرتك مبرمجتش لا قدر الله ... كل الموضوع إني انت بقى عندك أفق واسع شوية يستوعب هذه اﻷداة بجميع صورها المليونية ... مش أزمة يعني
لو نزلت أكتر من توزيعة هتاخد بالك من الكلام ... بس مفروض إن الفكرة واضحة من غير متنزل توزيعة مختلفة ... ماحنا اتفقنا إن كله جنو/لينكس
طبعا لو شغال على واجهة KDE أو GNOME هتلاقى أداة YAST منورة وبتقل اﻷعمى أنا أهو ... طبعا لازم الواحد يقتبس شوية من كلام والدته ولا ايه ...
تحت أي عنوان بقى مش فارقة ... مثلا Administrative Tasks .. أي حاجة من هذا القبيل ... واعذرني --على فكرة اللينكس-- مفهوش صور كتير كله سطر أوامر ... اتفقنا
لو عايز تشغله من سطر اﻷوامر
to work at CLI
andalusy@linux-box:~$ sudo /sbin/yast
Password:
to work at GUI
andalusy@linux-box~$ su
Password:
root@linux-box:/home/andalusy# yast2
دايما أمر Sudo بيستخدم لما نكون عايزين نشغل البرنامج بصلاحية مستخدم آخر ... طبعا لما بنكون عارفين كلمة المرور
طيب أيه كلمة المرور بقي ؟
سؤال وجيه تصدق ... طبعا كلمة مرور الرووت -المستخدم المطلق للجهاز ...
طبعا لو فتحت أداة التثبيت من اﻷمر التاني ... هتكون في الواجهة الرسومية .. ولو فتحتها من اﻷمر اﻷول هيشتغل في سطر اﻷوامر وهيكون التعامل معاه من خلال لوحة المفاتيح فقط ... يعني TAB وسهم فوق وتحت وALT والمفتاح المنور .... وهكذا
مش فاهم حاجة ...
حاول تفتحها من قايمة ابدأ أفضل
فتحتها فتحتها ... مش مصدق نفسي ...الحمد لله أنا بهدي اللي انا عملته ده لكل الجماهير
ألف مبروك يا أخي ... بارك الله فيك ... حقيقي ربنا معاك وهيسدد خطاك وينصرك
-----------------------------------------------------------------------------------------
طبعا ده كان فاصل من احدي المنتديات العربية...وطبعا مش كلها كده
لكن عودة لما كنا فيه ... ماذا نفعل بهذه اﻷداة ؟
هذه اﻷداة عامة جدا يمكن منها تعريف الشبكة والكروت والعتاد الجديد وتثبيت برامج أخري وحذف القديم ... وامكانية اضافة مستخدمين جدد .. والتحكم في الجدار الناري ... وهكذا
أنا شايف إني اهم حاجة دلوقتي هية تثبيت برامج جديدة ... وطبعا للتفصيل والصور ... هنا هسيب الويكي بتاع مشروع سوزة هو اللي هيتكلم ... من هذا الرابط
ويوجد طريقة لذيذة جدا للتثبيت من النت مباشرة بدل ... تدخيل اسطوانات السوزة واحدة واحدة ... واليك التفصيل على هذا الرابط
لو عايز تستخدم zypper ... دية حرية شخصية ... بس اديك شايف التوزيعة الواحدة فيها أكتر من أداة .. وده طبعا لدواعي تطويرية بالنسبة ليهم ... وبالنسبة لك خيارات متاحة
وﻷ لسة ... بإذن الله هيكون فيه مقالات ﻷضافة أدوات أخري ... كمان ؟
ايوة ... فعلا مش هتقدر تغمض عينيك ... مبتفرجش عليها أصلا
وهذا ما يسمى بمستودعات البرامجRepositories ... خوادم عليها البرامج الخاصة بالتوزيعة وتساعدك على تنزيلها وتثبيتها من خلال الياستYAST ... طبعا فيه مستودعات رسمية وآخرى غير رسمية ... اختر ما تشاء ... فعامة المستودعات الغير رسمية ... يتكون أخف وطأة في مسألة التراخيص دية .. يعني ممكن تلاقى الريل بلايREAL Player Network وتعاريف ملفات الفيديو الخاصة بالويندوز WMV وهكذا ... وهذا رابط المستودعات الرسمية
واليك الغير رسمية أيضا ...
لا تردد في ابداء أي تعليق أو الرغبة في اﻷستفسار ... ولا تنسى ان تسترحم على ايام Add\Remove Programs ... حقيقي كانت ايام ....
- مدونة قاسم
- لُجأو سجل لتعلق
- قراءة(1032)
هل الـ zypper هي
ونصيحه للناس علشان تفهم شويه الـ Repositories تدخل رابط الغير رسميه الاول
ويعني أيه اخف وطأه في مساله الترخيص أقصد أي ترخيص ؟
والله يرحم ايامك يا وندز لاند يا جميل
حلوة ويندوز لاند
الZypper زي الياست آه ... حد قال غير كده ... وبعدين أدوات التثبيت العام كتيرة جدا ...فمش هتيجي على الZypper يعني
وبالنسبة لمسألة الترخيص ... قصدي إنه مش هينفع تلاقى على سيرفرات مشروع سوزة اﻷساسي دعم لفورمات WMV المغلق مثلا ... ﻷ لازم تبقى مشاريع تطوعية ... حاجة على جنب ... لكن بالنسبة لشركات موجودة في السوق ... بيتدخل في حاجة زي كده عوامل قانونية كتير ... وبكده تبقى أخف وطأة
معقولة تكون زعلت من كلمة زملكاوي ؟
أداة ياست من
و كمان الواجهة النصية ليها شبيهة جدا جدا جدا بالواجهة الرسومية لدرجة تجعلك تشعر انه لا فرق حتى نفس البطء أيضا عكس كل من yum بتطويره و ادائه الرائع في فيدورا 7 و كذلك سمارت السريع جدا و السهل جدا في الاستخدام.
يمكن اكتر شيء ضايقني في اوبن سوزي هو ال yast و بطئه.
يا عم بالراحة على الناس
وشكرا شكرا حقيقي على مروروك اﻷيجابي هذا أخ fedorabic
حقيقي حاجة تشجع والله
سيب ال Yum عليا
بص يا باشا سيب موضوع ال Yum عليا باذن الله أعمل موضوع حلو يومين تلاتة بكتير و يكون الموضوع جاهز عشان خاطرك انت بس يا عم قاسم ..
عشرة علي عشرة
بصراحة انا من زمان كنت عايز انزل لينكس بس كنت خايف او مش لاقي حد يفهمني فيه كويس لكن موقعك بجد حاجة روعة صحيح مش هتقدر تغمض عنينك
جميل كدة احنا مشيين زى الفل
نجي بقي للون الكحلي
بص يا استاذ احمد انا الحمد الله فهمت تثبيت سوزى ميه ميه والحمد الله بس للاسف مش فاهم خاااااااااااااااااااااااااالص تثبيت ياست خااااااااااااااالص
ممكن توضيح هو مين قبل مين
يعني اسلك الاول ولا افتح
يعني هو تثبيت ياست قبل تثبيت سوزي
ولا ممكن انفض لياست وجيب اسطوانات لينكس اي اصدار ونزلوا عندي علي الجهاز من غيري ما ألجا لحاجة ياست دى ولا لازم ياست في الاول.
طيب في حاجة كمان يمكن تزعل منها ممكن لو مفيهاش رخامة مني تقرب لي المعني يعني ياست دى مقابل ليها ايه في الويندوز.
اصل بصراحة معرفتش افهم ياست دي خاااااااااالص
ولا ياست دى نظام تشغيل وسوزي نظام تشغيل برضه
بالله ما تتأخرش في الرد
اصل ناااااااااااوي ان شاء الله اتعمل لينكس لاني عايز اقاطع مايكروسوفت
سو سوري
انت بتتعب نفسك
ومن ناحية اﻷسامي ميهمكش يا سيدي ...
ومن ناحية مقاطعة ميكروسوفت ... دية مش حاجة سهلة ولا بسيطة ... وعايز ناس عندها نفس طويييل جدا ... واتمنى نكون منهم
سلامي