ادارة نظام الملفات

Clear

1

2

3

4

5

6

7

أول تقييم هو أصدق تقييم ...

المقصود من ادارة نظام الملفات ... هو احساسك الطبيعي ناحية الهارد بتاعك .. واﻷسئلة الفطرية اللي بتطرح نفسيها كده من غير احم ولا دستور ......
فين الهارد ؟
فين الأجزاء بتاعته الPartitions ؟
فاضل مساحة قد ايه واستخدمت قد ايه ؟
انا ركبت هارد تاني فين هوة ؟
فين الفلاشة مش شايفها ؟ وهكذا

طبعا فيه توزيعات دلوقتي متوفرة كتير بتوفر تعامل وبسيط ومتوقع من المستخدم ... وبتوفر عليه مجهود كتير ... لكن ده مش موضوعنا دلوقتي

أولا أمر df
هذا اﻷمر يستخدم لمعرفة أجزاء القرص المختلفة ويعطي أحصائيات مفصلة عن الأجزاء المستخدمة واﻷحزاء المتاحة وحاله كحال أي أمر تاني خياراته كتيرة طبعا .. بس أحسن خيار ليك هو خيار h اللي بيوضح اﻷحجام بالميجا في صورة ينفع تتقري

andalusy@linux-box: ~$ df -k

Filesystem    1024-blocks      Free %Used    Iused %Iused Mounted on

/dev/hd4            32768     16016   52%     2271    14% /

/dev/hd2          4587520   1889420   59%    37791     4% /usr

/dev/hd9         65536     12032   82%      518     4% /var

/dev/hd3           819200    637832   23%     1829     1% /tmp

/dev/hd1           524288    395848   25%      421     1% /home

/dev/hd10        65536     26004   61%      654     4% /opt

andalusy@linux-box: ~$ df -h

الحرفين df اختصار للكلمتين disk free .. وأول خانة بتوضح المشغل الحقيقيDriver للوحدة التخزينية دلوقتي .. مرة هتلاقيها hd يعني Hard disk ومرة هتلاقيها fd يعني Floppy Disk وهكذا
ويشير dev إلى جهاز أو device.
يشير hd إلى القرص الصلب و يعتمد الرمز التالي على ما يلي:
أ- a إذا كان القرص الصلب Primary Master.
ب- b إذا كان القرص الصلب Primary Slave.
ج- c إذا كان القرص الصلب Secondary Master.
د- d إذا كان القرص الصلب Secondary Slave.
ولو كان القرص الصلب واجهته SATA مش هيبقى hd وهيبقى sd

وبعد كذا خانة بتوضح المستخدم والمتاح ونسبته من الوحدة التخزينية ذاتها ... وأخيرا خانة Mounted on ومفروض الكلمة دية بترجمة حرفية بمعني ملحق ب بس عامة مفهوم Mount Point محتاج شرح شوية ... فنرجعله بعد شوية
مننساش طبعا أمر fdisk وبيدي خيارات أكتر ومعلومات أكتر بكتير ... بس للأسف بيحتاج صلاحيات المستخدم المطلق ...

ثانيا أمر du
هذا اﻷمر لمعرفة المساحة المستخدمة من قبل مجلد معين ... ولكن عند تعيين مجلد معين لهذا اﻷمر كخيار فأنه يسرد لك جميع مساحات جميع المجلدات التي بداخله ... ليطل بك للنتيجة المطلوبة التي تريدها في آخر سطر

andalusy@linux-box: ~$ du -h /etc

;;;;;;;;;;;;;;;;;;;;;;;;;;;;;;;;;;;;;;;;;;;;;;

;;;;;;;;;;;;;;;;;;;;;;;;;;;;;;;;;;;;;;;;;;;;;;

124K    /etc/udev

24K     /etc/apache2/vhosts.d

16K     /etc/apache2/ssl.prm

12K     /etc/apache2/ssl.crl

16K     /etc/apache2/sysconfig.d

12K     /etc/apache2/ssl.csr

276K    /etc/apache2/ssl.crt

du: `/etc/apache2/ssl.key': Permission denied

20K     /etc/apache2/conf.d

60K     /etc/apache2/extra

536K    /etc/apache2

24K     /etc/NetworkManager/dispatcher.d

28K     /etc/NetworkManager

12K     /etc/named.d

4.0K    /etc/init.d/rc3.d

4.0K    /etc/init.d/boot.d

4.0K    /etc/init.d/rcS.d

4.0K    /etc/init.d/rc6.d

4.0K    /etc/init.d/rc0.d

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;

680K    /etc/X11

8.0K    /etc/isdn

69M     /etc

andalusy@linux-box: ~$

الحرفين du اختصار للكملتين disk usage ... ويقبل هذا اﻷمر نفس الخيار h لتعيين المساحات في صورة تنفع تتقري ميجا أو جيجا ... وهكذا

بالطبع لا يمكن أن نغفل أمر fsck وهذا اﻷمر يستخدم لعمل صيانة لنظام الملفات ككل .. كأخطاء اﻷغلاق فجاء وما ينتج عنه من روابط مقطوعة وأخطاء منطقية ... وعلى رأي الويندوز عمليات غير شرعية Illegal Operations ... وعامة هذا اﻷمر يستخدم تلقائيا من قبل توزيعتك عند هذه اﻷخطاء أو مرور فترة معينة أو تعريفات أخري ...


نرجع تاني لمفهوم اﻷلحاق Mount Point :
عامة نظام ملفات اليونكس وكفكرة عامة بيعتمد منطق عجيب بالنسبة لك شوية ... عشان انت اتعود على الويندوز ... المنطق بيقول إن كل انظمة الملفات لازم تلحق بنقطة معينة كمرجعية مطلقة ... يعني كل نظام الملفات ملحق بالنقطة الجذر / أو باﻷنجليزية root وبذلك يترسخ عند بديهية إن مفيش نظام ملفات معين هيكون قابل للأستخدام بدون هذا اﻷلحاق ...

لسه معايا ؟ ده مكانش مقطع من ترجمة فيلم ماتريكس ولا حاجة ... احنا دلوقتي بنكلم عربي وبنقول إن السيدي عشان تتقري لازم تتنسب للجذر وكذلك هارد جديد إنت ركبيته وكذلك الفلاشة بتاعتك ... وهكذا دواليك .. ليه ؟ طبعا ده ليه اسباب كتير جدا بس من واجهة برمجية ... كفاية وكمبدأ عام كده ينفع حضرتك تتعامل مع أي نظام ملفات من واجهة وحيدة ومطلقة .. بتوفرها فكرة اﻷلحاق دية Mounted on ... وترجمة الكلام ده على الويندوز مفروض ميبقالوش ليه أي مردود ... بس بمنطق تاني هو أخفي عليك مفهوم اﻷلحاق ده واشتغل معاك بالمكعبات ... تدخل سيدي روم هتلاقي مكعب سيدي روم ... تدخل فلاشة تلاقي مكعب ... وهكذا ... ولا حد صدع دماغك ولا قالك ألحاق ولا غيره

منطق الويندوز ده صح ولا غلط!! .. طب هو يعجبك كده!! ... طب ازاي نشتغل بالمكعبات!! ... احنا مش بصدد ده دلوقتي خالص ... احنا قاعدين بنفهم ... أوقات كتيرة جدا الفهم بيبقى أسرع بالمقارنة بالمألوف ...

طبعا بالمنطق بتاع اﻷلحاق ده انت في ظرف لحظة ينفع تلحق ملف ايزو ISO,BIN/CUEبنظام ملفاتك اﻷساسي وتستخدمه عادي وتدخل عليه .. أما بمنطق الويندوز لازم حضرتك هتستنى برنامج اﻷسطوانة اﻷفتراضية وبعدين يزودلك هو كان مكعب وبعدين حضرتك تبدأ تتعامل مع المكعب ...

طبعا بالعودة للمخطط القياسي لنظام ملفات اللينكس هو بيقرر إن مجلد mnt هو المكان الطبيعي والتلقائي اللي هيلحق بيه أنظمة المفات المختلفة .. طبعا فيه توزيعات بتعتمد مجلدات تانية ... عشان مفروض إني احنا ينفع نلحق أي نظام ملفات بنظامنا أﻷساسي من أي نقطة غير المجلد mnt ... ده الموضوع موضوع اصطلاح ومعيارية ..


طبعا في أمثلة كتيرة جدا عن أنظمة الملفات الملحقة بالجذر .. كالسيدي ونظام ملفات الشبكة NFS وهارد تاني خالص انت ركبيته .. وهكذا دواليك ... وكمان مجلد proc بيتعمله الحاق بالجذر عند بداية التشغيل .. واحنا قولنا إنه نظام ملفات تخيلي غير موجود على القرص الصلب اﻷساسي ...

ولو عايزين نعرف ايه هيه أنظمة الملفات اللي معمولها دلوقتي الحاق ... نستخدم أمر mount كده من غير أي خيارات

ولو عايزين نلحق نظام ملفات معين بالنظام نعمل ايه ؟
نستخد أمر mount برده بس خيارات مختلفة طبعا ... عايزين نلحق دلوقتي السيدي اللي دخلناها حالا بفرض إنها متعملهاش الحاق تلقائي من خلال توزيعتك اﻷساسية

andalusy@linux-box: ~$ mount -t iso9660 /dev/cdrom /mnt/cdrom

دلوقتي الخيار t بنحط بعدية نوع نظام الملفات وهو هنا iso9660 نظام ملفات معياري للسيديهات - القرص الضوئي - وبعد كده استخدمنا اسم المشغل اﻷساسي /dev/cdrom وقلنا عايزينه يلحق بالنقطة /mnt/cdrom

وبكده تكون السيدي قابلة للقراءة واﻷستخدام ... لو عايزين نخرج السيدي ... استحالة هتخرج إلا لما تعمل أمر umount
ﻷن السيدي روم اتقفلت خلاص بالضبة والمفتاح - فعلا اتعملها قفل - بمعني انه اتمنع عنها أي معني للأشارة الخروج ... غير لما السيدي اللي جوا تنسحب من نظام الملفات ... حاجة عاملة زي لما أقولك استحالة تمسح ملف شغال أو برنامج معين بيستخدمه

andalusy@linux-box: ~$ umount /dev/cdrom

واضح إننا بنفصل اﻷلحاق من المشغل اﻷساسي /dev/cdrom مش نقطة اﻷلحاق /mnt/cdrom

دلوقتي بقى تصادف إنك ركبت هارد تاني ومحتاج تخلى عملية اﻷلحاق دية تلقائيا زي الهارد اﻷساسي تتصرف ازاي .. مقدامكش غير ملف etc/fstab/ والملف ده بيحتوي على أنظمة الملفات اللي بيتعملها الحاق تلقائي ...

andalusy@linux-box: ~$ cat /etc/fstab

/dev/hda1            /                    reiserfs   acl,user_xattr        1 1

/dev/hda2            swap                 swap       defaults              0 0

/dev/cdrom           /media/cdrom         subfs      

/dev/fd0             /media/floppy        subfs      noauto,fs=floppyfss,procuid,nodev,nosuid,sync 0 0

خليك فاكر إني كل تعديلات اﻷلحاق Mount بتحتاج صلاحيات المستخدم المطلق ... متنساش دية لو سمحت
وطريقة تنسيق الملف ده ... قريبة من خيارات mount بس للتفصيل أكتر مقدامكش غير دليل واحد ووحيد حتى اﻵن هو man fstab
وممكن تستشهد بالسطور اﻷصلية الي موجودة في اضافة سطرك الخاص ...