ادارة المستخدمين والمجموعات 2

Clear

1

2

3

4

5

6

7

تقييم كلي: 7 (أصوات:1)

وعودة إلى اﻷوامر التى ستساعدنا في ادارة نظام المستخدمين والمجموعات من خلال سطر اﻷوامر

وكبداية ممكن نبدأ باﻷوامر اﻷساسية دية :


اﻷمر الوظيفة
useradd اضافة حساب للنظام
usermod تعديل كل خانات حساب معين
userdel مسح كل بيانات حساب من النظام
groupadd اضافة مجموعة للنظام
groupmod تعديل مجموعة
groupdel مسح مجموعة

ملحوظة لطيفة : يمكنك اضافة او تعديل أو مسح مستخدم أو مجموعة ... من خلال التعامل مع الملفات passwd,group,shadow مباشرة ... مادمت تعرف معني كل خانة من الخانات الموضحة مسبقا ... وبذلك يتضح مدى مرونة النظام وامكانية التعامل معه من خلال أكثر من جهة ... ويتضح لك أيضا كمية المعلومات المتاحة والبيانات المتوفرة التى تمكنك من حتى برمجة تلك اﻷداة التي تضيف هذه اﻷسطر أو تمسحها ... ناهيك طبعا إني الأداة دية موجودة والكود بتاعها متوفر مش ناقص غير إنك تقراها وتحاول تستفيد منه

وﻷنه مفيش أحسن من اﻷمثلة طوالى ... فنبدأ بكل أمر من خلال مثال أكيد مش هيلم كل خيارات اﻷمر ... لكن دائما عندك فرصة للأستزادة أما من صفحات التوثيق أو حتى المناقشة ... ومتنساش إن كل اﻷوامر دية صلاحياتها للمستخدم المطلق فقط

أولا :أوامر الحسابات :

# useradd -c “Qasem Al-Andalusi” -d /home/qasem  -g andalusy -G

users -m -s /bin/csh -u 1005 qasem

# passwd qasem

Changing password for user qasem.

New UNIX password:

Retype UNIX password:

passwd: all authentication tokens updated successfully.

كده احنا اضفنا مستخدم اسمه qasem برقم UID 1005 ومجلد خاص بيه بصلاحيات كاملة موجودة على المسار home/qasem/ ومشترك في مجموعة أساسية اسمها andalusy ومجموعات فرعية تانية منها users وليه سطر أوامر -قشرة سي- c-shell

# usermod -d /home/qassam -m -l qassam qasem

بكده عدلنا اسم مسار المستخدم qasem للمسار qassam وغيرنا أسم المستخدم كمان لقسام qassam

خلاص اﻷسامي خلصت عشان تدور حولين مادة قسم ؟
متزعلش يا سيدي هنمسح قسام اللي صدع دماغك ده... باﻷمر userdel

# userdel -r qassam 

أهمية الخيار r في أنه بيمسح مجلد المستخدم home/qassam/ ومجلدات اﻷيميل mail
spool


ثانيا : أوامر المجموعات :
مفروض إنك فهمت أوامر اضافة وتعديل ومسح الحسابات ... فمش هتلاقى أدنى صعوبة في فهم اﻷوامر الخاصة بالمجموعات وبالتماثل يعني هنلاقى الموضوع متقارب جدا

# groupadd 600 andalusy   

# groupmod -n andalusy andalusy_new

# groupmod -g 700 andalusy_new

# groupdel andalusy_new

عملنا المجموعة andalusy برقم مجموعة GID 600 وبعدين غيرنا اﻷسم في اﻷمر التاني ﻷسم جديد andalusy_new وبعدين في اﻷمر التالت غيرنا رقم المجموعة ل 700
وأخيرا مسحنا المجموعة andalusy_new كلها بلا أندلسى بلا وجع دماغ



ثالثا : أوامر متعلقة بنظام المستخدمين والمجموعات :
هنا بعض اﻷوامر المبنية على فهمنا للموضوع ده ... وسنحاول تباعا بإذن الله أضافتهم

ليستكمل بإذن الله ......