أمر man

Clear

1

2

3

4

5

6

7

أول تقييم هو أصدق تقييم ...

اﻷمر man من أهم اﻷوامر ويعتبر هو صديقك الوحيد وانت قاعد على سطر اﻷوامر في أي توزيعة جنو/لينكس

ﻷنه ببساطة بيلخص وظيفة جميع أوامر اللينكس ... وبالتالي مهما قريت مقالات أو عرفت أوامر لازم ومفروض ترجع للأمر ده وتسترشد بيه

ازاي استخدم اﻷمر ده ؟

andalusy@linux-box :~# man اكتب اسم اﻷمر هنا 



مثال 



andalusy@linux-box :~# man date

أمر date مش محتاج مان ولا حاجة وأظن إنه وظيفته ظاهرة من غير حاجة

ايوه برده مش فاهم بيعمل ايه ؟

بيجيب التاريخ يا سيدي

بس أنا معرفش أوامر كتير في اللينكس وبالتالي اﻷمر ده مالوش لازمة ؟

من أولها مالوش لازمة ..... لو عايز تعمل وظيفة معينة وعارف اسم الوظيفة ممكن تدور على كل اﻷوامر اللي ممكن تعملها

إزاي ؟

andalusy@linux-box :~# man -k copy



cp (1)               - copy files and directories

cp (1p)              - copy files

cpio (1)             - copy files to and from archives

dd (1)               - convert and copy a file

dd (1p)              - convert and copy a file

exec (1p)            - execute commands and open, close, or copy file descriptors



andalusy@linux-box :~# apropos copy

هيديلك نفس النتيجة 

يلا يا سيدي اديك عرفت اﻷمر اللي هتعمل منه نسخ للملفات بتاعتك cp command

وهكذا دواليك ...

كويس قوي الكلام ده ...بس ايه هي اﻷرقام اللي جنب كل أمر ديه ؟

جينه لصداع التعريب اﻷزلي ... أنا بصراحة غير قادر على تعريب معني اﻷرقام ديه وحاشاها أن تكون اللغة العربية غير قادرة على استيعاب مثل هذه المعاني .. وانما معرفتي وعلمي هما الغير قادرتين .... ده كمان غير وقتي

معني اﻷرقام ديه أهو

1 Executable programs or shell commands

2 System calls

3 Library calls

4 Special files (usually found in /dev)

5 File formats and conventions

6 Games

7 Miscellaneous

8 System administration commands

9 Nonstandard kernel routines

n New documentation, which may be moved later

l Local documentation, specific to your system

وواضح إني مفروض ميهمكش مؤقتا دلوقتي غير رقم واحد وهو البرامج واﻷوامر اللي انت عايز تستخدمها على سطر اﻷوامر

طيب أنا لاحظت إني كل أمر ليه أكتر من رقم ؟
معناها إن اﻷمر موجود له أكتر من توثيق في عدة مستويات بمعني إن اﻷمر متوثق ازاي تستخدمه وبالتالي هيكون واخد رقم واحد ومتوثق ازاي تعرفه وبالتالي هيكون واخد رقم 8 ويمكن يكون متوثق بحيث تستخدمه في أكوادك وبالتالي هياخد احتمال بقية اﻷرقام

خلاص دلوقتي أنا عايز أعرف جميع مستويات التوثيق للأمر الواحد ؟

andalusy@linux-box :~# man -f cp

cp (1)               - copy files and directories

cp (1p)              - copy files



وبعد كده لما تعوز مستوى توثيق معين اكتب اﻷمر ده



andalusy@linux-box :~# man 1 cp

أظن كفاية كده ولا ايه ....