تعريف الكروت على اللينكس
نيجي هنا بقى ﻷكتر منطقة شائكة في عالم اللينكس ... ايه هو الموضوع بقى ؟
لا أبدا ... فيه أسباب كتيرة جدا خلت عملية تعريف كارت معين أو جهاز معين عندك على الجهاز العزيز بتاعك عملية مضنية جدا ... وأحيانا كثيرة تحتاج إلي مبرمج !!!
لكن بداية ... اليك بعض النقاط التي من الممكن أن تستوضح منها الصورة كاملة ؟
أولا: عشان نبعد عن التعقيد أو الغموض ... قليل مننا اللي عنده أجهزة كومبيوتر معتمد على وحدة معالجة مركزية غير x86 Archticture أو اللي بتقال عليه الPC العادي بتاع Intel ... وعامة المنصة دية هي منصة الويندوز اﻷولي واﻷخيرة والمفضلة ... من ساعة قصة كتاب الIBM الشهيرة... وﻷني من هواة اﻷخبار الجيدة فأني أطمئنك بأن هذه المنصات هي أيضا من أقوي المنصات دعما في عالم اللينكس... ناهيك طبعا عن أن اللينكس قادر على التثبيت على انواع كتيرة جدا من المنصات لا مجال لذكرها اﻵن
ثانيا : طبعا من زمان جدا ... وعالم ميكروسوفت مهيمن على عالم أجهزة اﻷستخدام الشخصي ... وبالتالي هيتبني شركات كتيرة جدا هتبقى موجهة كل الدعم لعالم الويندوز ... لكن ده تدريجي ومن أول اقتحام اللينكس عالم أجهزة اﻷستخدام الشخصي والمعدل ده بيقل كل فترة
ثالثا : نظرا لسياسات شركات كتيرة جدا كانت بتفضل تقديم دعم لتعريف كروت مغلق المصدر .. وده للحفاظ على أسرار تكنولوجيا خاصة بالعتاد Hardware بتاعها ... وبالتالي كان بيجي على مزاجها جدا عالم الويندوز ده .
ايوة , الحل ايه دلوقتي ... أنا هجيب تعريف الكارت بتاعي ازاي دلوقتي ؟
ﻷ .. هو تحس إن العملية معكوسة شويتين ... إنت طبعا بعد ما اكتشفت عالم التوزيعات الرهيب في تنوعه والعجيب في تعدده ... حضرتك محتاج شوية تأكيد من التوزيعة اللي انت هتختارها... هي عندها دعم ﻷنواع الكروت التي تملكها أم لا
وده بيبقى تحت عنوان -Hardware Compatibility Lists -HCL وبكده تكون اطمنت قبل ما تكون نزلت أي حاجة عندك على الجهاز ... يعني بالبلدي هتدخل على الموقع الرسمي الخاص بتوزيعتك وتحاول تدور على القسم ده وبعدين تعمل بحث على الكارت الذي تتمنى دعمه ... وإن شاء الله هتلاقيه ...ﻷن عامة نحن في البلدان التي تدعي العربية تلك لا نأتي بأعاجيب الكروت ولا شئ ... نحن نأتي بقياسي القياسي ... وفي أحيان كثيرة تنجح توزيعات كثيرة في التعرف على كل أنواع الكروت التي تملكها .
وعامة أغلب الأجهزة الحديثة اﻵن يكون دعمها متوفر مع عالم توزيعات لينكس ده إذا لم تجد على اسطوانة التعريف التعريفات الخاصة بنظام لينكس ... إذا من الممكن استنتاج المشاكل وبعض المتاعب من اﻷجهزة التي تربيت عليها أو أستعرتها من عمك أو خالتك وهكذا وهكذا
ولأن غايتنا التبسيط ... ومرادنا الوصول ... فمن المشهور إن دعم Mandriva وتوزيعة Linspire مشهورين بدعم شبه متكامل لتعريفات متقدمة لكروت الفيديو والصوت... وبالتالي ينصح بهم لمن يمتلك العديد من الملفات الصوتية والمرئية ويتمني أن يراهم شغالين بدون أي مشاكل ... ولكن للأمانة... عامة إذا كان سيقتصر استخدامك للكومبيوتر على هذه الملفات ... فلا انصحك باستخدام اللينكس لذلك ... ﻷنه ببساطة عالم الويندوز متوفر فيه الكثير من اﻷدوات الخاصة بذلك الهوام ... واﻵن سأتركك مع الكام برنامج اللي انت بقول عليهم كودكسCodics ومعلبات التشفير بتاعتك ديه ... وهما كلهم Spyware and malware
اقعد حملهم كلهم كده وفجأة تلاقى الفيلم اشتغل ...ليه عشان واحد منهم كان المناسب ... طبعا حضرتك متعرفش ... بس المهم ان الفيلم اشتغل ... وبيني وبينك هو ده المهم
بس ببساطة أنا اعرف ناس غاية همهم إن الجهاز ميكنش سينما أو فيديو جيم
مضيعش وقتك : للمرة اﻷخيرة إذا كان استخدامك سيقتصر على هذا اﻷستخدام ... فثق تمام الثقة أن اغلب توزيعات اللينكس غير جاهزة لذلك
امال هتجهز امتي ؟
هو طبعا محتاج وقت شوية ... عشان تجهز ... وعالفكرة كده كده هتجهز ... بس المشكلة انت هتكون فين لما هتجهز ... والدليل على ذلك أغلب أجهزة الPlayStation متحمل عليها لينكس كنواة لتشغيل محركات الصور والجرافيكس ... واكثر أعاجيب الجرافكس اللي حضرتك شفتها كانت مبنية على لينكس ... عشان مش معقولة وانا هكون عايز ضغط الشغل ده كله ألاقى الشاشة الزرقا بتاعة الويندوز طلعتلي وبتقولي اعمل اعادة تشغيل ...
ولمزيد من التفاصيل عن كيفية التعامل مع العتاد من خلال أوامر اللينكس .. اتبع هذه المقالة
- مدونة قاسم
- لُجأو سجل لتعلق
- قراءة(1782)
انا مش معاك في
اولاص متنساش ان معظم الكوداكس مفتوحة المصدر والباقي ليه ما يعادلة مفتوح المصدر
يعني أنا على الاوبنتو مثلاُ لم ابحث عن كوداك واحد
لن هو بيشوف الفيلم محتاج أيه ولو الكوداك بتاعه مش نازل بيستأزنك أنه ينزله من على النت وخلاص
ولكن بيقولك هو نزل أيه ;)
اما بالنسبة لعمليات المونتاج والمكسرة للصوت والصورة فانا بقالي فترة بلعب في البرامج دي
وفعلاص برامج اكثر من رائعة وتضاهي برامج الويندوز بقوة
ده طبعاص بالأضافة أن التوزيعات الكبيرة عادتاً بتدعم الكروت المتعارف عليها
يعني أنا دخلت على موقعك وانا بعرف كارت الستلايت بتاعي وكنت ببحث في النت عشان أشغل الدش على اللينوكس
حض سعيد واتمنى أعرف انت حاولت مع توزيعات ايه
ملحوظة كتبت
لقيت الكارت اتقرى لوحدو مجرد ركبتو
الأن بنزل MythTV عشان يشغله
طبعا مبروك
فأهلا بك على صفحات الموقع
وبالنسبة لموضوع اﻷفلام والكودكس ... لا أحد ينكر إن دعم توزيعات اللينكس للتعريفات المختلفة بيتزايد يوم بعد يوم ... لكن كان كل المقصود في سياق الكلام هو تحرى المصداقية والبعد عن المبالغة والتهويل.. لينكس هو الحل ... مفيش بديل ... اترك الوبندوز اﻵن ... ويجي أول لعبة عايز يشغلها أقوله مش مدعومة على اللينكس
وبالنسبة لتجربتك مع كارت الدش ...فالحمد الله انها انتهت بأمان ... ومبروك ومبارك عليك كمان ...
وطبعا نتمنى نعرف تفاصيل أكتر عن نوع الكارت والتجربة بمنطور أعم ... يفيد أي حد محتاج يخوض التجربة دية ..
لكن برده لسه مش كل كروت الصوت والفيديو مدعومة وعندك قايمة أوبنتو نفسها بالعتاد المدعوم ... مبيقولوش انهم بيدعموا جميع الهاردوير ... وده على عكس الويندوز اللي لو حتى الكارت مش مدعوم تلقائي هتلاقى اﻷسطوانة عليها ملفات تعريف خاصة بالويندوز فقط ... لكن فيه كروت بتنزل دلوقتي وهي مكتوب عليها Support Linux وعليها ملفات التعريف الخاصة بيه ... وهو ده التطور اللي بيجي مع الوقت الحمد لله