سطر اﻷوامر Bash Shell

مش عارف ترجمة سطر اﻷوامر ديه حاجة صح ولا ﻷ ... بس عامة اهي حاجة مؤقتة لغاية لما نتفق

عامة لا أحد يمتلك الوقت الكثير لسرد تفاصيل كل أداة داخل توزيعات اللينكس المختلفة ... واصداراتها وتنوعها .. دائما ما ستجد هذه العملية شبه مستحيلة ... طبعا إلا إذا توفر مجتمع كامل قاعد بيطور وبيترجم كل جديد وبالتالي الموضوع طبعا هيبقى أسهل ويكاد يكون متحقق... يارب...
وبالتالي نحن اﻵن يجب أن نعتمد اﻷساسيات والمبادئ العامة التي ستوفر عليك الكثير في تعاملك مع التوزيعات المختلفة ومع أدوات سطر اﻷوامر... وإذا تبقى وقت لا أرى مانع من التدقيق في تفاصيل أدوات التوزيعات المختلفة....

لو فهمت الكام سطر دول يبقى كويس قوي .... ولو مختش بالك الموضوع عامل زي ...خد المثال ده ... الموضوع عامل زي واحد ماسك آلة حاسبة فكل لما تسأله عن مجموع رقمين أو حاصل ضربهم يرد عليك باﻷجابة الصحيحة وانت طبعا تجنن ...ازاي ... بس الموضوع مكنش هيحتاج حيرة لو كنت سألته ازاي انت بتعمل عملية حسابية على رقمين .... وبمجرد ما هتتعلم الطريقة هتلاقى نفسك بتخلق ملايين اﻷحتمالات من العمليات المتاحة... وبكده تكون عرفت ازاي تشتق بدل محفظك استقاق كل دالة ايه !!
طبعا اظاهر إن المثال من سطحيته توهك ... بس اعذرني ... لو مختش بالك من المقصود حاول تكمل وهتفهم ايه المقصود...

دلوقتي بعد قولنا إني النواة kernel هيه قلب النظام وكل البرامج والتطبيقات بتتعامل معاها مباشرة بطريقة تسمح لها تستخدم العتاد الموجود على جهازكHardware ... فهنلاقى إن من أوائل التطبيقات والبرامج اﻷساسية اللي بتتعامل مع النواة هيه القشرة Shell والمقصود تطبيق برمجي يكون بينك وبين النواة ... تقدر تتعامل معاه من خلال محث أوامر منطقى وسلس

طيب ليه العك ده وماله يعني الواجهة الرسومية والسهولة والجمال وراحة العين اللي بنلاقيها على الواجهة الرسومية أو الويندوز
----------------------------------------------------------------------------------------------------
*أولا لاعتبارات كفاءة وسرعة وانجاز بنستخدم سطر اﻷوامر ده

*ثانيا أغلب مجهودات عالم البرامج المفتوحة التعامل اﻷساسي معاه من خلال سطر اﻷوامر

*ثالثا سطر اﻷوامر بيوفر متغيرات وامكانيات لا توفرها الواجهة الرسومية بمعني اوضح ... تخيل إني انت مفروض تعرف وتتأكد على تلاتين متغير داخل التطبيق بتاعك... لو حملناهم على واجهة رسومية هسيبك تتخيل المنظر ... أما لو اتكتبه في ملف واتقرو بطريقة معينة أظن الموضوع ابسط بكتير ....تخيل اكتر لو انت عايز تزود متغير خاص بيك هتقعد تبرمج في الواجهة الرسومية بقى ... لكن عالملف يدوبك هتزود سطر

*رابعا امكانيات تثبيت البرنامج بأكثر من متغيرات معرفة مسبقا عن طريق سطر اﻷوام تعتبر لا نهائية ... على عكس لما يكون قدامك نافذة وقاعد بتدوس التالي التالي ...ﻷن طول منت بتدوس التالي انت بتوافق على امكانيات تغيير ضيقة المجال جدا


لو اﻷربع اسباب دول مش واضحين قوي ميهمكش ... بس برده متنساش إني انت اللي سألت وقولت هو ليه سطر اﻷوامر مهم قوي كده ... خلاص ؟

وبكده أكون مهدت بحمد الله لسلسلة أوامر اللينكس ... واعتقد إني الموضوع طويل شويتين .... فحاول تخلى السلسلة دية ... مرجع ليك ترجعله لما تلاقى نفسك محتاج تفهم استخدام امر معين ....