نظام صلاحيات الملفات

Clear

1

2

3

4

5

6

7

تقييم كلي: 7 (أصوات:1)

كل لما تعرض الملفات باﻷمر ls -l
تلاقي حروف rwx كل شوية تلاقيهم ومحيرينك جدا ... دلوقتي هنحاول نقرب من مفهوم نظام صلاحيات الملفات داخل بيئة اليونكس عامة ... طبعا واخد بالك من كلمة هنقرب ... ﻷن الموضوع مش هيتم معالجته على الوجه اﻷكمل إلا بالتطرق لمفهوم نظام المستخدمين لنظام اليونكس عامة ...

اﻵن انت على موعد مع أول مفهوم من المفاهيم اﻷساسية ... وخط الدفاع اﻷول .. ﻷمان Security أنظمة اليونكس - وطبعا جنو/لينكس - ....

صلاحيات الملفات والمجلدات
المفهوم بينص على مبدأ ظريف جدا ... كل ملف - طبعا منستش إن كل حاجة في اللينكس عبارة عن ملف - ليه تلات صلاحيات معينة ومحددة يمكن منحها أو منعها كما يشاء مالك الملف .. وطبعا المستخدم المطلق للآلة ككل



read (r) صلاحية قراءة الملف عامة .. وبالتالي استعراض المجلد وما تحته
write (w) صلاحية خلق وتعديل ومسح الملف ...وشرحه مع المجلدات
execute(x) صلاحية تشغيل الملف كملف تنفيذي -ملف يحتوى على أي كود- ...
ومع المجلد هي صلاحية جعله PWD
(-) لا صلاحية ممنوحة من أي نوع


لكن اللي موجود دايما عشرة خانات مش تلاتةrwxrwxrwx -
طبعا احان مفروض خلصنا من الخانة اﻷولانية ﻷنها بتعرف نوع الملف .. وانواع الملف ناقشناها في أول نظام الملفات
يتبقى بقى التلات حروف rwx متكررين تلات مرات ... ايه قصة التلات مرات دية ؟
أول تلات خانات من 2 لغاية 4 بتعبر عن صلاحيات مالك الملفOwner واليونكس بيعرفه على انه User
تاني تلات خانات من 5 لغاية 7 بتعبر عن صلاحيات مجموعة معينة group
تالت تلات خانات من 8 لغاية 10 بتعبر عن صلاحيات أي حد بعد كده Others

ماللك الملف أو المستخدم User مفروض مش محتاجة شرح ... هو المستخدم اللي عمل الملف ...
موضوع المجموعة Group ده مفروض ميلخبطش ... مجموعة معينة هيتم ادراج بعض المستخدمين تحتها وبالتالي عندما تمنح هذه المجموعة صلاحية معينة سوف تمنح لجميع اﻷعضاء المدرجين تحتها ... مثال مجموعة الusers
اﻷخرين أو Others ... هما ببساطة أي مستخدم تاني لا هو مالك الملف ولا هو من أعضاء مجموعة ممنوحة صلاحيات تجاه الملف ده

تغيير صلاحيات الملف :
طبعا دلوقتي بعد لما عرفنا نقرا ونفهم صلاحيات الملف .. محتاجين نبدأ نغيرها فيها على مزاجنا .. ﻷني حضرتك طبعا عديت مرحلة الملف المخفى على الويندوز !!

بيستخدم لكده أمر chmod ... واﻷمر ده ليه طريقتين ﻷستخدامه :


أولا : طريقة رمزية :
عندنا دولقتي تلات خانات


u مالك الملف USER أو صاحبه
g المجموعة GROUP
oباقي المستخدمين أو اختصارا أي مستخدم آخر


وعندنا دلوقتي تلات معاملات


+ معناها منح الصلاحية
- معناها منع الصلاحية
= تحديد صورة الصلاحية كاملة


واضح هي اسمها صورة رمزية ليه ... يبقى لما نيجي نستخدم اﻷمر chmod هتبقى العملية سهلة جدا

andalusy@linux-box :~ $ chmod o+wx testfile

andalusy@linux-box :~ $ ls -l

-rwxrwxrwx 1 user     users 1024 Nov 2 00:10 testfile

andalusy@linux-box :~ $ chmod u-x testfile

andalusy@linux-box :~ $ ls -l

-rw-rwxrwx 1 user     users 1024 Nov 2 00:11 testfile

andalusy@linux-box :~ $ chmod g=r-x testfile

andalusy@linux-box :~ $ ls -l

-rw-r-xrwx 1 user     users 1024 Nov 2 00:12 testfile

$andalusy@linux-box :~ 

جدير بالذكر الخيار a مع اﻷمر chmod حيث يسمح بمنح أو منع جميع الصلاحيات دفعة واحدة

andalusy@linux-box :~ $ chmod a-rwx testfile

andalusy@linux-box :~ $ ls -l

---------- 1 user     users 1024 Nov 2 00:11 testfile

ثانيا الطريقة المطلقة :
اسمها الطريقة المطلقة ﻷنك بستخدم اﻷرقام اﻷصلية للأشارة الى الصلاحية المرادة ... بمعنى إنك كنت في الطريقة الرمزية مكنتش بتقحم نفسك في اﻷصل وقاعد ترمز اﻷرقام دية في اطار الحروف اللي شرحناها فوق ... لكن هنا ﻷ




0 --- ولا صلاحية
1 x-- صلاحية تنفيذ
2 -w- صلاحية كتابة
3 wx- صلاحية تنفيذ(1) + صلاحية كتابة(2)
4 --r صلاحية قراءة (4)
5 r-x صلاحية قراءة(4) + صلاحية تنفيذ(1)
6 -rw صلاحية قراءة (4) + صلاحية كتابة (2)
7 rwx صلاحية قراءة (4) + صلاحية كتابة (2) + صلاحية تنفيذ (1)


أظن مش محتاجة فزلكة ... واضح إننا بنستخدم نظام عد أساسه ثماني Octal Base
أول خانة فيه 2 أس صفر بواحد صلاحية تنفيذ
تاني خانة فيه 2 أس واحد باتنين صلاحية كتابة
تالت خانة فيه 2 أس اتنين بأربعة صلاحية قراءة

ولو مش فاهم النظام ده ... عندك النظام الترميز اﻷولاني ... لكن لا شك إن نظام الترميز المطلق باﻷرقام أفضل واسرع في التطبيق

andalusy@linux-box :~$ chmod 774 testfile



andalusy@linux-box :~$ ls -l testfile

-rwxrwxr-- 1 user      users 1024 Nov 2 00:10 testfile

عامة الموضوع ده مهم جدا ... وزي ما ذكرنا في أول المقالة مش هيتعالج من أول مرة كده وخلاص ...