كيفية تركيب واجهة KDE على نواة لينكس

وعليكم السلام ورحمة الله وبركاته
الجهاز :
*غير متصل بالنت
*وعلية نواة لينكس وايضا قشرة الياش ...

ناقص معلومة : كيف تم تثبيت الجهاز هكذا ؟
-تم بناء توزيعة لينكس كاملة مثلا من الصفر ... يجوز ... وفي هذه الحالة يمكن تكملة مشوار" الكي دي إي" من موقع linuxfromscratch.org
-ماهو النظام المعتمد للتثبيت على هذا الجهاز هل هو :
*حزم ديبيان
*حزم آر بي إم
*تثبيت من المصدر

ومع ذلك يوجد بعض الروابط العامة التي قد تفيد :
http://tldp.org/LDP/lame/LAME/linux-admin-made-easy/using-kde.html
http://techbase.kde.org/Getting_Started/Build/KDE4
http://tldp.org/LDP/lame/LAME/linux-admin-made-easy/using-kde.html

الجهاز الرئيسي بينسخ صورة من النواة والقشرة على الجهاز الفرعي .... طيب انت معتمدين آني حل للأنظمة العنقودية ؟
أوسكار ولا موزيكس .... ! والجهاز الثانوي عليه آني توزيعة ؟
وممكن بدون هذه المتاهات اعتماد بعض هذه الأوامر لمعرفة نوع التوزيعة التى تنسخ على العقدة الفرعية ... ومن ثم الأحتكام إلى توثيق هذه التوزيعة لمعرفة كيفية تثبيت الكي دي إي

andalusy@linux-box:~ $ cat /etc/*release

andalusy@linux-box:~ $ cat /etc/*version

andalusy@linux-box:~ $ lsb_release -d

ويمكنك متابعة هذا السكريبت لمزيد من التفاصيل .... هنا

وبمجرد معرفة التوزيعة يمكنك معرفة كيفية تثبيت الواجهة

ويوجد احتمال ضعيف إن مقدمة سطر الأوامر يكون مكتوب فيها نوع التوزيعة المستخدمة كالآتي

OpenSuSE-Sys Login : _

السلام عليكم ورحمة الله وبركاته

بارك الله فيك أخي قاسم
عذرا لتغيبي الفترة اللي فاتت،ب بس كنا بنجرب ..وربنا ييسر

طيب دلوقتي أنا عندي 3 أسئلة..أسأل ولا هتتشل ؟

بص أنا هأسأل وأنت حسب استطاعتك..ماشي ؟

أول سؤال:
دلوقتي احنا عايزين ندخل نت على الجهاز الفرعي...احنا بنعمل tunneling عن طريق الـ ssh والـ Telnet، بحيث نقدر من الجهاز الفرعي ندخل للجهاز الثانوي ونشوفه وناخد منه ملفات وهكذا...((الـ default gateway بتاعة الجهاز الفرعي هي الجهاز الرئيسي))..
ولو دخلنا على النت من الدهاز الفرعي ده بنبقى كأننا داخلين عن طريق الجهاز الرئيسي..يعني لو نزلنا حاجة من موقع مثلا بتنزل على الرئيسي..لو صطبنا حاجة بالـ yum بتتصطب على الرئيسي، وهكذا...

احنا بقى عايزين ندخّل نت حقيقي على الجهاز الفرعي بحيث أقدر أصطب حاجات من النت مباشرة على الجهاز الفرعي...إيه هي الطريقة السهة لكده بدون اللجوء لاستخدام اتنين كارت شبكات في الجهاز الرئيسي ؟؟

ده أول سؤال وأرخم سؤال...لسه عايش ؟

ثاني سؤال:
دلوقتي احنا أنسب حل عندنا لتصطيب الـ KDE على الجهاز الفرعي أننا نصطبه من الـ DVD بتاعة الفيدورا نفسها...حيث كل الحزم هناك..
المشكلة بقى أننا مش عارفين إيه الحزم بتاعة الـ KDE وإيه لأ (ومانقدرش نعرف من مجرد أسماء الحزم طبعا)...
فالسؤال هو هل فيه أمر معين أقدر عن طريقه أني أصطب حزم الـ rpm بتاعة الـ KDE على بعضها كده من الـ DVD ؟؟
((يعني حاجة زي yum groupinstall كده بس على الـ rpms من الـ DVD مش من النت))..
حضرتك فاهم قصدي ولا أنا بأعك ؟

ثالث سؤال..هانت
نظرا لكل ما سبق فاحنا جربنا أننا نصطب بس حزمة الـ KDE base وطلعت معتمدة على شوية حاجات جبناها وصطبناها كلها الحمد لله...وبعد شوية يأس لقينا الـ KDE اشتغل بفضل الله تعالى...اللهم لك الحمد..
لكن اللغة بايظة يعني الحروف الإنجليزي العادية بتظهر مربعات...غالبا حزمة اللغة بتاعة الـ KDE مش متصطبة...فهل حضرتك تقدر تقولنا إيه هي الحزمة أو الحزم اللي ناقصة عشان اللغة (أو أي حاجة تانية مهمة طبعا) بحيث نجيبها ونصطبها بإذن الله ؟

آدي التلات أسئلة
أظن حضرتك دلوقتي تعبت نفسيا وبتفكر تلغي عضويتي..معلش أنا عارف أني بأضغط عليك وكأنك واحد بشتغل معانا بس احنا فعلا مش بنكون عارفين نسأل مين وأنت الحمد لله خبرتك حلوة..ربنا يكرمك ويوفقك

وطبعا زي ما قلت أنا مش بالزمك بالرد بس على قدر استطاعتك..

السلااااااام عليكم ورحمة الله وبركاته

إزيييييك يا أخي قاسم..وحشتني
ربنا يبارك فيك يا أخي الحبيب على ردك...جزاك الله عنا خيرا

أنا شاكر ليك أوي شعورك وتحملك، ربنا ينفع بك ويبارك لك

جزاك الله خيرا على الدليل اللي أعطتناه، هو جميل طبعا بس للأسف مستعمل برضه الأمر yum install يعني محتاج نت..
بس الحمد لله كان موجهنا لأننا دورنا على استعمال الأمر yum install بس بدل ما يجيب الحزم من النت يجيبها من الاسطوانة..والحمد لله لقينا الطريقة أخيرا


وأخيراااااااااااااا بفضل الله تعالى صطبنا واجهة KDE بخطوات صحيحة من غير تلفيق ومن غير نت..


الطريقة كالتالي:


لكننا بعد ذلك استطعنا أن نقوم بتثبيت واجهة KDE كاملة باستخدام أمر yum groupinstall الذي ذكرناه من قبل، بعد تغيير المستودع الذي يلجأ إليه الأمر للتثبيت. بمعنى أنه بدلا من أن يقوم الأمر بالدخول إلى شبكة الانترنت للحصول على الحزم اللازمة للتثبيت، أصبح يدخل إلى مكان معين على جهاز الحاسب نحدده نحن بأنفسنا. بالتالي نستطيع أن ننسخ الحزم كلها من القرص الرقمي الخاص بتوزيعة فيدورا 8 إلى مكان محدد على الجهاز الرئيسي، ليكون هذا المكان هو المستودع الذي يلجأ إليه الأمر yum install عند تثبيت أي برنامج على أي من العقد العميلة.

بالفعل قمنا بربط mount القرص الرقمي إلى المسار /media/f8dvd، ثم قمنا بحذف كل محتويات المسار /etc/yum.repos.d وأنشأنا بدلا منها ملفا وحيدا باسم f8dvd.repo يحتوي على الكود التالي:

# f8dvd.repo: install Fedora 8 from DVD.

[f8dvd]

name=Fedora-$releasever - Media

baseurl=file:///media/f8dvd/

file:///media/f8dvd/

gpgcheck=1

enabled=0

gpgkey=file:///media/f8dvd/RPM-GPG-KEY-fedora

file:///media/f8dvd/RPM-GPG-KEY

لكن بهذا الشكل سنضطر لاستخدام المحوّل enable=f8dvd-- مع الأمر yum install، أما إذا كنا لا نرغب في ذلك فيمكننا أن نعدل السطر enabled=0 إلى enabled=1 في الكود السابق.
والسطران الأخيران في الكود مكتوبان لجلب مفتاح التأمين الخاص بالحزم.
بهذا نستطيع تثبيت واجهة KDE بكتابة الأمر:

yum groupinstall "KDE Desktop Environment"

ياااااااا رب يكون كلامي واضح
جزاك الله خيرا على مساعدتنا يا قاسم، وعلى أنك معتبرني رفيق ليك مع أن المفروض تعتبرني تلميذ..ربنا يعزك

إن شاء الله لما نخلص المشروع أعمل سلسلة شرح المجموعات العنقودية في موقعك هنا..بعد إذنك طبعا