حدوتة اللينكس2
طبعا أهم مجتمع كان هو معمل الذكاء اﻹصطناعيAI Lab في معهد MIT , وأهميته نابعة من إن معظم أبطال قصتنا كانت موجوده هناك ...
نبدأ من حيث انتهينا...
طيب أهم مجتمع اللي بتكلم عليه ده كان شغال على انظمة ايه يعني؟ كان شغال على أنظمة يونكس ....منور .... ايه هو ده اليونكس بقي ؟
اليونكس هو نظام متعدد المهام متعدد المستخدمين UNIX-Uniplexed Information and Computing System واتعمل في معامل بيل التابعة لشركة التليفونات والتلغرافات اﻷمريكية Bell Labs-AT&T co ....كلمة بيل دية متفكرش بحاجة ما علينا.... عملوه ناس من الهاكرز العظماء اللي كنت كلمتك عليهم Ken Thompson and Dennis Ritchie..سنة 1970, وطب وايه اللي خلاهم هاكرز عظماء يعني
, ده ﻷنهم استبدلوا بالنظام ده نظام أقدم منه كان أسمه Multicsعملت على تطويره نفس الشركة ديه ولكن منجحش ده غير إنه كان مصمم إنه يعمل حاجات كتيرة جدا ومعملش ولا حاجة (قانون لازم تفتكره)
قصدي من كده إنه يونكس اتعمل على قانون تاني خالص بينص على --إنه كل جزء من النظام يعمل حاجة صغيرة ويمكن تكون تافهة بس المهم يعملها صح قوي ويوفر طريقة ﻹعادة استخدامه---(قانون لازم تفتكره أكتر من اﻷولان)
والمحصلة كانت نظام تشغيل ناجح جدا عمل المطلوب منه ,ﻷ ده هم ماكنوش هاكرز عشان كده وبس ﻷ ده أخترعوا--مع تحفظي على كلمة اخترعوا-- لغة السىThe C Language عشان يعملوا نظام التشغيل ده...أمال ايه يابا ناس شغالة...انسى الجملة ديه بلاش تبقى سلبي....طبعا واخد بالك من اسم الشركة اللي ظهر كذا مرة ده AT&T ...بديهي جدا إن الشركة دلوقتي تحت ايديها الفرخة التي تبيض ذهبا ...وبالفعل الشركة رخصت النظام والرخصة ديه كانت غالية على ناس كتير ﻷ على جامعات كمان ده غير إني اللي يشوف الكود اللي مكتوب بيه النظام ليه رخصة تانية...لكن وعلى الرغم نظام التشغيل ده حرك معامل البحث كتيرة جدا على تطوير النظام ده, لدرجة إنه بيركيلي الجامعة اللي كلمتك عليها عملت نظام خاص مبني على اليونكس وسموه BSD وللأسف حكاوي اليونكس كتيير والمؤسسات اللي طورت اليونكس أكتر وأعتقد إن مش مجاله دلوقتي نتعمق في تفاصيل الموضوع ده ... بس المهم إني انت عرفت إني فيه حاجة اسمها يونكس مبنية على لغة السي عملت ثورة في فكرة عملها وكيفية تشغيلها بطريقة تخليك لازم تبني عالمجهود اللي اتعمل ده ...زي ما تقول كده هو كان تحفة برمجيه حتى في كتاب كويس اسمه فلسفة اليونكس....وخليك فاكر إني كل الكلام الجاي هيبقى مبني على اليونكس ....كفاية يونكس بقى
نرجع تاني للMIT...هما مقضيينها ازاي وعايشين ازاي وبيعملوا ايه دلوقتي بظبط!!!
كانوا طبعا عايشين في جنة التبادل المعرفي ديه وقاعدين بقى يعدلوا في برامج بعض ويتحدوا بعض وكلوا يستفيد من بعض لغاية لما دخل ابليس الجنة ديه وقرر يختبر الناس ديه ... وطبعا كان ابليس قصتنا هو مارد اقتصاديات البرمجيات القادم واقتصاد السوق الحر واقتصاد المنافسة ... كيف سنتبادل المعرفة إذا كانت المعرفة لي هي مالي و سر نجاحي ... كيف سنعتمد على تطوير بعضنا بعض إذا كان المفروض واحد منا الذي يكسب والباقي يخسر و حظ سعيد في المرة القادم .... وهكذا بدأ هذا المجتمع في التشرذم والتوقيع على اتفاقيات تحد من صلاحيات اعادة توزيع البرامج واتفاقيات حقوق الملكية الفكرية وبعدما كان المبدأ أن نتعاون أصبح المبدأ أن ننتافر وإذا تعاونا فانت قرصان برامج ومخترق وكل حاجة سودا...
وساهم في ذلك سلسلة أحداث غير متوقعة ... منها مدير معمل الذكاء الإصطناعي قرر إنه هو يعمل شركة اسمها"سيمبوليكس Symbolics"
وطبعا هتسلم برامج مخفية الشفرة -بمعني إني محدش يعرف كود البرنامج ايه- وجيه بعديه واحد من الهاكر يتوع نفس المعمل ده قرر إنه يعمل شركة تسوق "حاسبات ليسب Lisp Machines " وسماها بنفس اﻷسم ده برده , وعلى شاكلة اﻷفلام الدرامية فعلا في اللحظة الحرجة ديه مكنش فيه غير بطل واحد بس وقف في وسط الميدان وقال ﻷ ....
وكان هو "ريتشارد ستالمان " وفضل من أول سنة 1980 يحاول يقف ضد محاولات اﻷحتكار المستمرة داخل معمل الذكاء اﻷصطناعي .... لكن الموضوع مجبش همه وقرر إنه يسيب وظيفته وميكملش الدكتوراه ويسيب معمل الذكاء اﻹصطناعي ويفرغ كل وقته لمشروعه الجديد وده كانت سنة 1984 .... مشروع نظام تشغيل متكامل حر بمعني أن أي فرد يمكنه رؤية الكود ومعرفة كيفية عمل هذا النظام,
طب سؤال هو ليه ساب كل العز اللي فيه وفرغ وقته لمشروع طموح زي ده ... أقولك ايه "إنما اﻷعمال بالنيات" ...أكون بكدب عليك وقلبي بتفطر دما...بص عشان أريحك هو اللي ظهر للناس ساعتها إنه خاف قصة اليونكس تتكرر مع مشروعه ﻹن نظام تشغيل هيبقى حر ومش هينفع الجامعة بتاعته تحتكره.....تعليل مريح نوعا ما....
وسمى المشروع جنو GNU Project=GNU is not Unix أمال ايه هية جنو ديه ؟
أرد عليك وأقولك جنو مش يونكس ...يعني اختصار متداخل و كل لما تيجي تسأل عن جنو هتلاقيها جوا اﻹختصار وطبعا المشروع كان مبني على فلسفة التبادل المعرفي وحرية الكود وحرية توثيق الكود وكان من الضروري يبقى فيه مؤسسة تنشر كل المبادئ ديه وفعلا أنشأ ستالمان موسسة البرمجيات الحرة - مؤسسة غير ربحية- في المقام اﻷول تظهر على أنها حركة اجتماعية تهدف إلي تحرير المستخدم من كل القيود التي تفرضها عليه شركات البرامج مخفية الكود و تحارب جميع أنواع اﻷ حتكار التي تمارسها هذه الشركات وأيضا ترسخ القواعد وﻵليات القانونية التي تسمح بحماية شركات ومستخدمي البرمجيات الحرة وكان من أهم إنجازات هذه المؤسسة هيه رخصة GPL - زي متقول كده بالعربي رخصة جنو العامة-وفعلا هيه ديه الرخصة اللي سمحت بالثورة الحقيقة للبرمجيات الحرة
على ماذا تنص هذه الرخصة ؟
0-القراءة للجميع في جميع مكتبات الجمهورية #$# استطراق لابد منه...انتهى
1-يمكنك قراءة الكود المكتوب بيه البرنامج
2-يمكنك تعديل الكود ليناسب احتياجاتك بشرط التنويه عن المؤلف اﻷساسي وتوضيح اضافاتك
3-عند اعادة التوزيع للنشخة المعدلة يجب أن تظل تحت نفس الرخصة -رخصة جنو العامة-
واضح جدا إن الرخصة مبنية بطريقة تحافظ على حق المبدع وحق المستخدم وبالتالي حق المجتمع في التطور...ومن هنا لو دققت كويس في الرخصة هتلاقي إني أهم حاجة اتعملت عشانها كانت فكرة "ضمان اتصال سلسة التراكم المعرفي"بمعني إنه على عكس رخصة BSD بتسمحلك برؤية الكود وتعديله ولكن اصداره تحت أي رخصة أردت وبالطبع الرخصة المقصودة هيه رخصة حقوق ملكية أو أي رخصة تجارية تحد من صلاحيات المستخدم على حساب المكاسب المادية...هيه دنيا وسبحان من ليه الدوام معقول أئمتنا الكبار وعلماءنا اﻷولين كانوا بيأكدوا على حقوق النسخ والملكية كده...دنيا غدارة...
ملحوظة: بس إنت ممكن تقول مين هو ريتشارد ستالمان أنا عايز أعرف عنه أكتر! هو وبصراحة كده الراجل ده حدوتة لوحده ولو عايز تعرف عنه أكتر لازم يبقى فيه مقالة عنه لوحده ...ﻷنه بصراحة شخصية فريدة بكل المقاييس في عالم البرمجيات فقط ...وانا رأيي كفايه عليك صورته
وكان ستالمان في أثناء ذلك كله ومع فريقه في مؤسسة البرمجيات الحرة يحاول أخراج مشروع نظام تشغيل جنو وبالفعل فعلى مشارف عام 1990 كان هذا الفريق قد أنهي بعض التطبيقات اﻷساسية التي تستخدم في أنظمة التشغيل مثل editor,debugger,compiler ولكن ما كان ينقصه فعلا هو نواة هذا النظام أو ما يسمي بال Kernel واحقاقا للحق فهذا المشروع كان تحت التطوير ولكن ينقصه الكثير حتى يظهر إلى النور وكان اسمه GNU Hurd وفي خلال هذا كله وأثناء خضم هذه المعارك والمناقشات والمكاسب والخسائر في الولايات المتحدة اﻷمريكية .... حدث مالم يخطر ببال أحد ولم يتصوره عقل أي مطور أو مبرمج في هذه الفترة
...يتبع>>>
نبدأ من حيث انتهينا...
طيب أهم مجتمع اللي بتكلم عليه ده كان شغال على انظمة ايه يعني؟ كان شغال على أنظمة يونكس ....منور .... ايه هو ده اليونكس بقي ؟
اليونكس هو نظام متعدد المهام متعدد المستخدمين UNIX-Uniplexed Information and Computing System واتعمل في معامل بيل التابعة لشركة التليفونات والتلغرافات اﻷمريكية Bell Labs-AT&T co ....كلمة بيل دية متفكرش بحاجة ما علينا.... عملوه ناس من الهاكرز العظماء اللي كنت كلمتك عليهم Ken Thompson and Dennis Ritchie..سنة 1970, وطب وايه اللي خلاهم هاكرز عظماء يعني
, ده ﻷنهم استبدلوا بالنظام ده نظام أقدم منه كان أسمه Multicsعملت على تطويره نفس الشركة ديه ولكن منجحش ده غير إنه كان مصمم إنه يعمل حاجات كتيرة جدا ومعملش ولا حاجة (قانون لازم تفتكره)
قصدي من كده إنه يونكس اتعمل على قانون تاني خالص بينص على --إنه كل جزء من النظام يعمل حاجة صغيرة ويمكن تكون تافهة بس المهم يعملها صح قوي ويوفر طريقة ﻹعادة استخدامه---(قانون لازم تفتكره أكتر من اﻷولان)
والمحصلة كانت نظام تشغيل ناجح جدا عمل المطلوب منه ,ﻷ ده هم ماكنوش هاكرز عشان كده وبس ﻷ ده أخترعوا--مع تحفظي على كلمة اخترعوا-- لغة السىThe C Language عشان يعملوا نظام التشغيل ده...أمال ايه يابا ناس شغالة...انسى الجملة ديه بلاش تبقى سلبي....طبعا واخد بالك من اسم الشركة اللي ظهر كذا مرة ده AT&T ...بديهي جدا إن الشركة دلوقتي تحت ايديها الفرخة التي تبيض ذهبا ...وبالفعل الشركة رخصت النظام والرخصة ديه كانت غالية على ناس كتير ﻷ على جامعات كمان ده غير إني اللي يشوف الكود اللي مكتوب بيه النظام ليه رخصة تانية...لكن وعلى الرغم نظام التشغيل ده حرك معامل البحث كتيرة جدا على تطوير النظام ده, لدرجة إنه بيركيلي الجامعة اللي كلمتك عليها عملت نظام خاص مبني على اليونكس وسموه BSD وللأسف حكاوي اليونكس كتيير والمؤسسات اللي طورت اليونكس أكتر وأعتقد إن مش مجاله دلوقتي نتعمق في تفاصيل الموضوع ده ... بس المهم إني انت عرفت إني فيه حاجة اسمها يونكس مبنية على لغة السي عملت ثورة في فكرة عملها وكيفية تشغيلها بطريقة تخليك لازم تبني عالمجهود اللي اتعمل ده ...زي ما تقول كده هو كان تحفة برمجيه حتى في كتاب كويس اسمه فلسفة اليونكس....وخليك فاكر إني كل الكلام الجاي هيبقى مبني على اليونكس ....كفاية يونكس بقى
نرجع تاني للMIT...هما مقضيينها ازاي وعايشين ازاي وبيعملوا ايه دلوقتي بظبط!!!
كانوا طبعا عايشين في جنة التبادل المعرفي ديه وقاعدين بقى يعدلوا في برامج بعض ويتحدوا بعض وكلوا يستفيد من بعض لغاية لما دخل ابليس الجنة ديه وقرر يختبر الناس ديه ... وطبعا كان ابليس قصتنا هو مارد اقتصاديات البرمجيات القادم واقتصاد السوق الحر واقتصاد المنافسة ... كيف سنتبادل المعرفة إذا كانت المعرفة لي هي مالي و سر نجاحي ... كيف سنعتمد على تطوير بعضنا بعض إذا كان المفروض واحد منا الذي يكسب والباقي يخسر و حظ سعيد في المرة القادم .... وهكذا بدأ هذا المجتمع في التشرذم والتوقيع على اتفاقيات تحد من صلاحيات اعادة توزيع البرامج واتفاقيات حقوق الملكية الفكرية وبعدما كان المبدأ أن نتعاون أصبح المبدأ أن ننتافر وإذا تعاونا فانت قرصان برامج ومخترق وكل حاجة سودا...
وساهم في ذلك سلسلة أحداث غير متوقعة ... منها مدير معمل الذكاء الإصطناعي قرر إنه هو يعمل شركة اسمها"سيمبوليكس Symbolics"
وطبعا هتسلم برامج مخفية الشفرة -بمعني إني محدش يعرف كود البرنامج ايه- وجيه بعديه واحد من الهاكر يتوع نفس المعمل ده قرر إنه يعمل شركة تسوق "حاسبات ليسب Lisp Machines " وسماها بنفس اﻷسم ده برده , وعلى شاكلة اﻷفلام الدرامية فعلا في اللحظة الحرجة ديه مكنش فيه غير بطل واحد بس وقف في وسط الميدان وقال ﻷ ....
وكان هو "ريتشارد ستالمان " وفضل من أول سنة 1980 يحاول يقف ضد محاولات اﻷحتكار المستمرة داخل معمل الذكاء اﻷصطناعي .... لكن الموضوع مجبش همه وقرر إنه يسيب وظيفته وميكملش الدكتوراه ويسيب معمل الذكاء اﻹصطناعي ويفرغ كل وقته لمشروعه الجديد وده كانت سنة 1984 .... مشروع نظام تشغيل متكامل حر بمعني أن أي فرد يمكنه رؤية الكود ومعرفة كيفية عمل هذا النظام,
طب سؤال هو ليه ساب كل العز اللي فيه وفرغ وقته لمشروع طموح زي ده ... أقولك ايه "إنما اﻷعمال بالنيات" ...أكون بكدب عليك وقلبي بتفطر دما...بص عشان أريحك هو اللي ظهر للناس ساعتها إنه خاف قصة اليونكس تتكرر مع مشروعه ﻹن نظام تشغيل هيبقى حر ومش هينفع الجامعة بتاعته تحتكره.....تعليل مريح نوعا ما....
وسمى المشروع جنو GNU Project=GNU is not Unix أمال ايه هية جنو ديه ؟
أرد عليك وأقولك جنو مش يونكس ...يعني اختصار متداخل و كل لما تيجي تسأل عن جنو هتلاقيها جوا اﻹختصار وطبعا المشروع كان مبني على فلسفة التبادل المعرفي وحرية الكود وحرية توثيق الكود وكان من الضروري يبقى فيه مؤسسة تنشر كل المبادئ ديه وفعلا أنشأ ستالمان موسسة البرمجيات الحرة - مؤسسة غير ربحية- في المقام اﻷول تظهر على أنها حركة اجتماعية تهدف إلي تحرير المستخدم من كل القيود التي تفرضها عليه شركات البرامج مخفية الكود و تحارب جميع أنواع اﻷ حتكار التي تمارسها هذه الشركات وأيضا ترسخ القواعد وﻵليات القانونية التي تسمح بحماية شركات ومستخدمي البرمجيات الحرة وكان من أهم إنجازات هذه المؤسسة هيه رخصة GPL - زي متقول كده بالعربي رخصة جنو العامة-وفعلا هيه ديه الرخصة اللي سمحت بالثورة الحقيقة للبرمجيات الحرة
على ماذا تنص هذه الرخصة ؟
0-القراءة للجميع في جميع مكتبات الجمهورية #$# استطراق لابد منه...انتهى
1-يمكنك قراءة الكود المكتوب بيه البرنامج
2-يمكنك تعديل الكود ليناسب احتياجاتك بشرط التنويه عن المؤلف اﻷساسي وتوضيح اضافاتك
3-عند اعادة التوزيع للنشخة المعدلة يجب أن تظل تحت نفس الرخصة -رخصة جنو العامة-
واضح جدا إن الرخصة مبنية بطريقة تحافظ على حق المبدع وحق المستخدم وبالتالي حق المجتمع في التطور...ومن هنا لو دققت كويس في الرخصة هتلاقي إني أهم حاجة اتعملت عشانها كانت فكرة "ضمان اتصال سلسة التراكم المعرفي"بمعني إنه على عكس رخصة BSD بتسمحلك برؤية الكود وتعديله ولكن اصداره تحت أي رخصة أردت وبالطبع الرخصة المقصودة هيه رخصة حقوق ملكية أو أي رخصة تجارية تحد من صلاحيات المستخدم على حساب المكاسب المادية...هيه دنيا وسبحان من ليه الدوام معقول أئمتنا الكبار وعلماءنا اﻷولين كانوا بيأكدوا على حقوق النسخ والملكية كده...دنيا غدارة...
ملحوظة: بس إنت ممكن تقول مين هو ريتشارد ستالمان أنا عايز أعرف عنه أكتر! هو وبصراحة كده الراجل ده حدوتة لوحده ولو عايز تعرف عنه أكتر لازم يبقى فيه مقالة عنه لوحده ...ﻷنه بصراحة شخصية فريدة بكل المقاييس في عالم البرمجيات فقط ...وانا رأيي كفايه عليك صورته
وكان ستالمان في أثناء ذلك كله ومع فريقه في مؤسسة البرمجيات الحرة يحاول أخراج مشروع نظام تشغيل جنو وبالفعل فعلى مشارف عام 1990 كان هذا الفريق قد أنهي بعض التطبيقات اﻷساسية التي تستخدم في أنظمة التشغيل مثل editor,debugger,compiler ولكن ما كان ينقصه فعلا هو نواة هذا النظام أو ما يسمي بال Kernel واحقاقا للحق فهذا المشروع كان تحت التطوير ولكن ينقصه الكثير حتى يظهر إلى النور وكان اسمه GNU Hurd وفي خلال هذا كله وأثناء خضم هذه المعارك والمناقشات والمكاسب والخسائر في الولايات المتحدة اﻷمريكية .... حدث مالم يخطر ببال أحد ولم يتصوره عقل أي مطور أو مبرمج في هذه الفترة
...يتبع>>>
- مدونة قاسم
- لُجأو سجل لتعلق
- قراءة(1499)
ما شاء الله لا قوة إلا بالله
أين كان موقعك هذا من قبل
ما شاء الله لا قوة إلا بالله
أنا متابع