حدوتة اللينكس3
ماذا حدث ؟؟؟
نعود لنكمل ما بدأناه...
بعد أن أوضحنا أن مشروع جنو ماشي في طريقه لاستبدال اليونكس كله بنظام تشغيل حر -استبدال حقيقي يحافظ على مميزات اليونكس ويحاول يضيف عليها ويسهل وضع معايير ثابتةStandardization تجعل منه نظام لا يعتمد على نوع الهاردوير أو البروسيسور-إلا انه وعلى أوائل التسعينات كان المشروع نجح في استبدال تقريبا معظم اﻷدوات والتطبيقات بتاعة اليونكس بأخرى حرة ومجانية وتحت ترخيص رخصة جنو العامة--.كان برده لسه متوجدش حاجة اسمها الKernel وبالعربي بيسموها النواة -ترجمة غير ملائمة لكن ما علينا- الKernel ديه هيه قلب نظام التشغيل بتتعامل مع كل الهاردوير وبعدين توفر واجهة بسيطة لكل التطبيقات اللي شغالة فوقيها....
بمعني آخر -انت عمرك فكرت في المسألة دية-
إنت تتصور مفروض ايه اللي يحصل لما البرنامج اللي انت مثلا بتكتب عليها تقرير أو ما شابه عايز يفتح ملف....معقولة هيبقى البرنامج ده فيه الكود الخاص بالهارد بتاعك وكل مواصفاته واعتباراته الفنية وبعد كده يطلب اﻷمر في صورة لغة اﻵلة بمعني إنه هيقولو دلوقتي ابعت اشارة الكهربا بالفولت ده وعند السرعة ديه ومع احتمال قراءة الموقع ده أكثر من مرة ....طبعا استحالة ...أمال ايه اللي بيحصل في الواقع ..اللي بيحصل إنه دور النواة دلوقتي بيظهر -الKernel-وبتكون هيه موجودة في المنطقة اللي في النص ديه ما بين البرنامج بتاعك والهاردوير اللي في الجهاز بتاعك وبتوفر نوع من أنواع الرسايل والإتصال ما بينها وما بين البرنامج وما بينها وما بين الهاردوير
وبكده تكون الKernelوحدت معايير برمجة أي تطبيق هيشتغل فوقيها لإن هيه ببساطة قالت أنا بتكلم باللغة الفلانية وعايز تكلمني قول كذا ومتقولش كذا.....يااااه....طب ازاي النواة ديه هتتعامل مع كل أنواع اﻷجهزة ديه وكل الهاردوير المختلف ده بدون أي مشاكل ,ﻷ , ده موال تاني ويعتبر علم لوحده ...لكن واضح دلوقتي قد ايه مشروع النواة ده مشروع مش هين ومحتاج مجهودات كتيرة شوية.....
واﻵن يأتي عصر الرجل الذي آن له أن يظهر ويدخل في الصورة وبقوة لدرجة ستغطي على كل من سبقوه وتنكر فضلهم أيضا بطريقة غير متوقعة وفي تسلسل عجيب .... ما هي القصة ؟
واحد اسمه لينوس ترافولدز كان قاعد على الكومبيوتر بتاعه وقرر إنه يطور نواة نظام تشغيل Kernel و طبعا الفكرة مجتش في دماغه مالباب للطق , هو كان عايز يطور نظام تشغيل اسمه Miniix درس عليه في جامعة هلسنكي في فنلندا معمول على ايد دكتور مهم جدا في أنظمة التشغيل اسمه Andrew Tanenbaum- مفروض نبقي نكلم عنه إن شاء الله- ونظام التشغيل ده كانت تحت رخصة تجارية وهدفه في اﻷساس كان تعليمي.
لكن ما علينا هو إن لينوس بعد ما قرر إنه يعمل النواة ديه بدأ فعلا يشتغل عليها وخلصها لغاية لما قدر يشغلها على الجهاز بتاعه وأجهزة الجامعة بتاعتة Sun Machines وبعد ما خلص المشروع في حدود عشرة آلاف سطر ...
قرر إنه ينزل المشروع بتاعه على النت -للدقة هي بتسمى باسم المجموعة البريدية حاجة كده عاملة زي الجروب اللي على جوجل و ياهو - ويفتح الكود ﻷي مبرمج أو مطور أو بالثقافة اللي كانت سايدة ساعتها "هاكر بالمعني الصحيح" ومشهورة جدا الرسالة اﻷولى اللي قال فيها الكلمات ديه وطبعا مكنتش فيه أي رخصة تنفع لمشروعه ده غير رخصة الGPL بتاعة ستالمان ---على الرغم إنه أول لما فتح الكود كان منزله تحت رخصة البرمجيات الحرة سنة 1991لكن طبعا في العام اللي بعديه علطول اختار رخصة جنو العامة---وزيادة عن كده ده كل الأدوات اللي استخدمها في مشروعه واللي هيستخدمها الهاكرز اللي هيطوروا النواة ديه هتبقى أدوات مشروع جنو GNU Project ,
وطبعا في نفس الوقت نواة مشروع جنو موقفها حرج جدا ومعدل تطويرها في مأزق وده ﻷسباب تقنية وصراعات فلسفية لا يوجد مجال لذكرها اﻵن ... لكن اﻷهم من كده نواة لينوس ترافولدز يوم ورا يوم قاعدة بتطور وتتجرب على جهاز ورا جهاز من جميع أنحاء العالم وكل يوم بيضافلها امكانيا أكتر ونسبة استقرار وفعالية أكتر .... كل ده بيتم ازاي أبدا إنه عالم اﻷنترنت حيث الجهود المتراكمة وأعمال الفرق المتعددة مش الفريق الواحد ....والجدير بالذكر إن نسبة الكود اللي كتبه لينوس في اصدارات الKernel الحالية هي 2% فقط ...تخيل مدي المجهود المبذول وعلى فكرة نواة لينكس تصنف على انها من أنجح مشروعات اﻷعمال الموزعة Distributed Work على مستوى التاريخ وطايرة البوينج700 اللي اشترك في تصميمها وتنفيذها أكثر من 4500 مهندس...خير الله مجعله خير... . The Essense of Distributed Work
أكيد دلوقت لاحظت إن اللينكس ده ما هو إلا نواة أو قلب النظام القادر على تسيير جميع المهام وتأدية جميع الوظائف ..احنا هنعيش...فين هيه المهام والوظائف المطلوبة منه ديه ...المهام اللي هتطلبها البرامج والتطبيقات ...يا سلام هيه فين إذاكان اللينكس ده عبارة عن برنامج عفاريتي مينفعش حد يتعامل معاه إلا باﻷكواد والمكاتب البرمجية....هنا بيظهر دور اﻷدوات اللي خلصها مشروع جنو لتطوير أول نظام تشغيل حر...طب مين اللي هيدمج اللي اﻷدوات ديه مع بعض ...اللي هيعمل كده هما المطورين والهاكر الحقيقين اللي عاوزين يستفيدوا من اللينكس أكثر استفادة....
وبكده يكون الراجل اللي كان قاعد ينادي بالمشروع بتاع نظام التشغيل الحر من أول مقالو يا كومبيوتر شخصي, اتنسى, وكله مش شايف غير لينوس ترافولدز ...أنت تريد وانا أريد والله يفعل ما يريد.....طبعا الأسباب اللي ورا اضمحلال اسم جنو وبروز اسم لينكس اسباب اعلامية وتجارية بالدرجة اﻷولي والسبب فيه ده كانت الشركات اللي كسبت من ورا لينكس وعملت أرباحها ده غير الصحف والجرايد اللي فضلت تغني لينكي لينكس ...طبعا بسبب تضخم أرباح سوق اللينكس بطريقة غير متوقعة وفوق كل التقديرات ...
طبعا الراجل ستالمان قعد يقول يا عالم متقولش لينكس قولوا جنو/لينكس ...ده كفاية إني لينكس نازل تحت الرخصة بتاعة جنو
لكن لينوس قال أنا شايف إني كلمة جنو/لينكس وصف أكثر من راديكالي...ومش موافق عليها...لكن أنا شايف ان ستالمان كالفيلسوف العظيم وأراني كالمهندس الحقيقي...على لسان لينوس في احدي المقابلات
طبعا في تحليلات كتيرة جدا بتدرس ازاي جنو وصلت للحالة ديه ...وأهمها كتاب الكنيسة والبازار The cathedral and bazaar لEric Raymond بيوصف بظبط ليه لينس نجح وازاي هما عطلوا نفسيهم ,طبعا المعلم ايريك رايموند ليه حكاوي أغرب من الخيال وهو من الهاكر بتوع جنو وبتوع الMIT وكل لما هتعرف عنه حاجة مش هصدقها ﻷنه ببساطة شخصية أغرب من الخيال....مسيرنا نفتكر الراجل ده بمقالة
بكده ممكن أقول توتة توتة فرغت الحدوتة....لكن القصة ديه ليها تعقيباتها التي لا تكاد تنتهي أو تنفد ...القصة ديه عجيبة بكل المقاييس...وعشان كده بإذن الله أنا هحاول تباعا أسرد تعقيباتي على الحدوتة التي أذهلت العالم....
شكرا لحسن القراءة واتمنى عدد من التعليقات يساعدني على تطوير هذه المقالات إلى أفضل مستوى مرجو ...بالطبع لن يساعدني تعليقك الذي يقول مشكور أو مقالات رائعة أو مقالات غير مفيدة بالمرة :(
نعود لنكمل ما بدأناه...
بعد أن أوضحنا أن مشروع جنو ماشي في طريقه لاستبدال اليونكس كله بنظام تشغيل حر -استبدال حقيقي يحافظ على مميزات اليونكس ويحاول يضيف عليها ويسهل وضع معايير ثابتةStandardization تجعل منه نظام لا يعتمد على نوع الهاردوير أو البروسيسور-إلا انه وعلى أوائل التسعينات كان المشروع نجح في استبدال تقريبا معظم اﻷدوات والتطبيقات بتاعة اليونكس بأخرى حرة ومجانية وتحت ترخيص رخصة جنو العامة--.كان برده لسه متوجدش حاجة اسمها الKernel وبالعربي بيسموها النواة -ترجمة غير ملائمة لكن ما علينا- الKernel ديه هيه قلب نظام التشغيل بتتعامل مع كل الهاردوير وبعدين توفر واجهة بسيطة لكل التطبيقات اللي شغالة فوقيها....
بمعني آخر -انت عمرك فكرت في المسألة دية-
إنت تتصور مفروض ايه اللي يحصل لما البرنامج اللي انت مثلا بتكتب عليها تقرير أو ما شابه عايز يفتح ملف....معقولة هيبقى البرنامج ده فيه الكود الخاص بالهارد بتاعك وكل مواصفاته واعتباراته الفنية وبعد كده يطلب اﻷمر في صورة لغة اﻵلة بمعني إنه هيقولو دلوقتي ابعت اشارة الكهربا بالفولت ده وعند السرعة ديه ومع احتمال قراءة الموقع ده أكثر من مرة ....طبعا استحالة ...أمال ايه اللي بيحصل في الواقع ..اللي بيحصل إنه دور النواة دلوقتي بيظهر -الKernel-وبتكون هيه موجودة في المنطقة اللي في النص ديه ما بين البرنامج بتاعك والهاردوير اللي في الجهاز بتاعك وبتوفر نوع من أنواع الرسايل والإتصال ما بينها وما بين البرنامج وما بينها وما بين الهاردوير
وبكده تكون الKernelوحدت معايير برمجة أي تطبيق هيشتغل فوقيها لإن هيه ببساطة قالت أنا بتكلم باللغة الفلانية وعايز تكلمني قول كذا ومتقولش كذا.....يااااه....طب ازاي النواة ديه هتتعامل مع كل أنواع اﻷجهزة ديه وكل الهاردوير المختلف ده بدون أي مشاكل ,ﻷ , ده موال تاني ويعتبر علم لوحده ...لكن واضح دلوقتي قد ايه مشروع النواة ده مشروع مش هين ومحتاج مجهودات كتيرة شوية.....
واﻵن يأتي عصر الرجل الذي آن له أن يظهر ويدخل في الصورة وبقوة لدرجة ستغطي على كل من سبقوه وتنكر فضلهم أيضا بطريقة غير متوقعة وفي تسلسل عجيب .... ما هي القصة ؟
واحد اسمه لينوس ترافولدز كان قاعد على الكومبيوتر بتاعه وقرر إنه يطور نواة نظام تشغيل Kernel و طبعا الفكرة مجتش في دماغه مالباب للطق , هو كان عايز يطور نظام تشغيل اسمه Miniix درس عليه في جامعة هلسنكي في فنلندا معمول على ايد دكتور مهم جدا في أنظمة التشغيل اسمه Andrew Tanenbaum- مفروض نبقي نكلم عنه إن شاء الله- ونظام التشغيل ده كانت تحت رخصة تجارية وهدفه في اﻷساس كان تعليمي.
لكن ما علينا هو إن لينوس بعد ما قرر إنه يعمل النواة ديه بدأ فعلا يشتغل عليها وخلصها لغاية لما قدر يشغلها على الجهاز بتاعه وأجهزة الجامعة بتاعتة Sun Machines وبعد ما خلص المشروع في حدود عشرة آلاف سطر ...
قرر إنه ينزل المشروع بتاعه على النت -للدقة هي بتسمى باسم المجموعة البريدية حاجة كده عاملة زي الجروب اللي على جوجل و ياهو - ويفتح الكود ﻷي مبرمج أو مطور أو بالثقافة اللي كانت سايدة ساعتها "هاكر بالمعني الصحيح" ومشهورة جدا الرسالة اﻷولى اللي قال فيها الكلمات ديه وطبعا مكنتش فيه أي رخصة تنفع لمشروعه ده غير رخصة الGPL بتاعة ستالمان ---على الرغم إنه أول لما فتح الكود كان منزله تحت رخصة البرمجيات الحرة سنة 1991لكن طبعا في العام اللي بعديه علطول اختار رخصة جنو العامة---وزيادة عن كده ده كل الأدوات اللي استخدمها في مشروعه واللي هيستخدمها الهاكرز اللي هيطوروا النواة ديه هتبقى أدوات مشروع جنو GNU Project ,
وطبعا في نفس الوقت نواة مشروع جنو موقفها حرج جدا ومعدل تطويرها في مأزق وده ﻷسباب تقنية وصراعات فلسفية لا يوجد مجال لذكرها اﻵن ... لكن اﻷهم من كده نواة لينوس ترافولدز يوم ورا يوم قاعدة بتطور وتتجرب على جهاز ورا جهاز من جميع أنحاء العالم وكل يوم بيضافلها امكانيا أكتر ونسبة استقرار وفعالية أكتر .... كل ده بيتم ازاي أبدا إنه عالم اﻷنترنت حيث الجهود المتراكمة وأعمال الفرق المتعددة مش الفريق الواحد ....والجدير بالذكر إن نسبة الكود اللي كتبه لينوس في اصدارات الKernel الحالية هي 2% فقط ...تخيل مدي المجهود المبذول وعلى فكرة نواة لينكس تصنف على انها من أنجح مشروعات اﻷعمال الموزعة Distributed Work على مستوى التاريخ وطايرة البوينج700 اللي اشترك في تصميمها وتنفيذها أكثر من 4500 مهندس...خير الله مجعله خير... . The Essense of Distributed Work
أكيد دلوقت لاحظت إن اللينكس ده ما هو إلا نواة أو قلب النظام القادر على تسيير جميع المهام وتأدية جميع الوظائف ..احنا هنعيش...فين هيه المهام والوظائف المطلوبة منه ديه ...المهام اللي هتطلبها البرامج والتطبيقات ...يا سلام هيه فين إذاكان اللينكس ده عبارة عن برنامج عفاريتي مينفعش حد يتعامل معاه إلا باﻷكواد والمكاتب البرمجية....هنا بيظهر دور اﻷدوات اللي خلصها مشروع جنو لتطوير أول نظام تشغيل حر...طب مين اللي هيدمج اللي اﻷدوات ديه مع بعض ...اللي هيعمل كده هما المطورين والهاكر الحقيقين اللي عاوزين يستفيدوا من اللينكس أكثر استفادة....
وبكده يكون الراجل اللي كان قاعد ينادي بالمشروع بتاع نظام التشغيل الحر من أول مقالو يا كومبيوتر شخصي, اتنسى, وكله مش شايف غير لينوس ترافولدز ...أنت تريد وانا أريد والله يفعل ما يريد.....طبعا الأسباب اللي ورا اضمحلال اسم جنو وبروز اسم لينكس اسباب اعلامية وتجارية بالدرجة اﻷولي والسبب فيه ده كانت الشركات اللي كسبت من ورا لينكس وعملت أرباحها ده غير الصحف والجرايد اللي فضلت تغني لينكي لينكس ...طبعا بسبب تضخم أرباح سوق اللينكس بطريقة غير متوقعة وفوق كل التقديرات ...
طبعا الراجل ستالمان قعد يقول يا عالم متقولش لينكس قولوا جنو/لينكس ...ده كفاية إني لينكس نازل تحت الرخصة بتاعة جنو
لكن لينوس قال أنا شايف إني كلمة جنو/لينكس وصف أكثر من راديكالي...ومش موافق عليها...لكن أنا شايف ان ستالمان كالفيلسوف العظيم وأراني كالمهندس الحقيقي...على لسان لينوس في احدي المقابلات
طبعا في تحليلات كتيرة جدا بتدرس ازاي جنو وصلت للحالة ديه ...وأهمها كتاب الكنيسة والبازار The cathedral and bazaar لEric Raymond بيوصف بظبط ليه لينس نجح وازاي هما عطلوا نفسيهم ,طبعا المعلم ايريك رايموند ليه حكاوي أغرب من الخيال وهو من الهاكر بتوع جنو وبتوع الMIT وكل لما هتعرف عنه حاجة مش هصدقها ﻷنه ببساطة شخصية أغرب من الخيال....مسيرنا نفتكر الراجل ده بمقالة
بكده ممكن أقول توتة توتة فرغت الحدوتة....لكن القصة ديه ليها تعقيباتها التي لا تكاد تنتهي أو تنفد ...القصة ديه عجيبة بكل المقاييس...وعشان كده بإذن الله أنا هحاول تباعا أسرد تعقيباتي على الحدوتة التي أذهلت العالم....
شكرا لحسن القراءة واتمنى عدد من التعليقات يساعدني على تطوير هذه المقالات إلى أفضل مستوى مرجو ...بالطبع لن يساعدني تعليقك الذي يقول مشكور أو مقالات رائعة أو مقالات غير مفيدة بالمرة :(
- مدونة قاسم
- لُجأو سجل لتعلق
- قراءة(1146)
بارك الله فيك
مقالات رائعة
:d
لأ بجد يا أخي
ربنا يكرمك
والله أفدتني كثيرا جزاك الله خيرا
شكرا جدا لمرورك الكريم أخ أحمد
حقيقي شعورك الطيب قد شجعني جدا على اﻷستمرار ...
وأخيرا بارك الله لك فيما تعلمت وأود منك توجيهي إلي أي قصور في هذه المقالات .... ﻷنك تعلم أن تعقيب مشكور لن يفيد اﻵخرين
ولكن العجيب وعلى الرغم من اقتناعي من عدم فائدة كلمة مشكور للقراء إلا أنها قد افتدتني كثيرا أخ أحمد... آسف للأطالة عليك في أول مرة تمر على هذا الموقع ولكن سامحني إنها الوحدة القاتلة
رزقك الله الفردوس الأعلى
طولت علي ؟ :)
أنا رغاي جدا وهتعرف أنك ما طولتش علي دلوقتي :)
بداية أخي أنا أعلم أن ده مش المكان المناسب للكلام اللي هأقوله ده..
وأنا عارف أن حضرتك شايف أن رد "مشكور" ملهوش فائدة لأن حضرتك عايز تفاعل فعلي مع المقالات...ونسأل في اللي مش فاهمينه ونقترح ونجرب وو..مش مجرد قراءة وشكر
لكن اعذرني يا أخي لأن أنا ما قدرتش أمسك نفسي عن الرد...حقا مقالاتك رهيبة بارك الله فيك وسأقول لك كيف الآن..
أنا يا أخي الكريم طالب في هندسة القاهرة ، مصر
طبعا متعود من ساعة ما عرفت الكمبيوتر على الويندوز
وأسمع عن اللينوكس مجرد سماع..
عارف موضوع ال open source وكده بس مكنتش مهتم بيه..
بعدين لقيت أني بإذن الله في مشروع التخرج هأحتاج اللينوكس...هيكون أحسن لي..
وكمان أنا إن شاء الله عندي هدف بعيد أني أعمل مؤسسة بحث علمي توفر للمهندسين أو الباحثين عامة إمكانيات معملية ومادية ,,يعني توفر لهم بيئة بحث مناسبة...
أكيد في أي مؤسسة زي دي أو حتى أصغر...مش هنشتري الويندوز أبو كام ألف للنسخة..
أكيد هنحتاج اللينوكس..
بس برضه الموضوع مكانش في دماغي لسه...يعني عادي مش واخد بالي..
لغاية ما أخ صاحبي اسمه محمد خالد قال لي على الموقع بتاع حضرتك ده..
ومدح لي فيه
أنا قلت أشوفه
بجد لم أتخيل أنه بالروعة دي ..ما شاء الله لا قوة إلا بالله
الموقع أهم ميزة فيه أنه بالعربي...لأ واللي عجبني كمان أنه بالعامية المصرية دي لوحدها دخلت دماغي أوي..((أنا بفضل الله عضو في قسم دعوي على الانترنت اسمه "هذا لك !" بنعمل فيه مواضيع دعوية بأسلوب بسيط ولهجة عامية توصل لقلوب الشباب بإذن الله))
وهزار حضرتك...أضحك الله سنك...بجد رهيب ما شاء الله
كمان الشرح ماشي معايا من أول ما فيه حاجة اسمها يونكس ظهرت وإزاي اتطورت وو...إلخ
لغاية التصطيب ..والمشاكل اللي ممكن تقابلني وهكذا
أنا لسه عارف الموقع من 4 أيام بالظبط، ومع ذلك الحمد لله باقعد على المقالات بجد بأكون مش قادر أقوم من عليها..
بقيت عايز أحول للينوكس بأسرع ما يمكن...وقعدت أنزل في الخمس سيديهات بس الحمد لله أخ صاحبي أعطانيهم وهأصطبهم إن شاء الله لسه..
أنا بقيت مقتنع جدا بالفكرة لدرجة أني عايز أنشرها في كل حتة..بعت الموقع بتاع حضرتك ده على الجروب بتاعنا وهأحطه في المنتدى إن شاء الله..وبأقول عليه لأصحابي..
لدرجة أني خلليت الخلفية بتاعة سطح المكتب بتاعة الويندوز العادي خلفية لينوكس :)
فيا أخي الحبيب قاسم بالله عليك استمر فيما بدأته وكمل شرحك ...احتسب نيتك في ذلك نشر العلم النافع بين المسلمين و ما تتوقفش أبدا ...لأننا بجد محتاجين كلامك ده..
علشان إن شاء الله لما أعمل مؤسسة البحث العلمي بتاعتي أخللي موقع حضرتك مصدرا رئيسيا لتعلم اللينوكس فيه :)
ربنا يبارك فيك يا أخي ويعزك وينفع بك..
آسف أني طولت عليك ((أظن حضرتك دلوقتي عرفت التطويل بجد :) ))
وأخيرا أقول لحضرتك معلش أنا عارف أن ردي برضه يعتبر "مشكور" بس أنا كنت لازم أفضفض لك عن اللي جوايا..
ففعلا لو حضرتك شايف الأصلح أنك تحذف الرد ده فاحذفه وأنا فعلا مش هأزعل إن شاء الله...المهم أن حضرتك قرأته قبل ما تحذفه وخلاص...
واعذرني كمان..أنا إن شاء الله هأفضل أقرأ وأرد رد مفيد على قد ما أقدر..بس لو مفيش إضافة هأقول مشكور...أكيد لها فائدة.. حتى أكون سبب في تشجيع حضرتك علشان آخد ثواب انا كمان...
ولأن حضرتك...
مشكور
احذف ايه يا راجل
ثانيا بالنسبة لمشروع البحث العلمي ... فعلا مشروع مهم جدا خصوصا وإني اتمنى موقع اندلسي يبقى في نفس المكانة لمشروعك بالظبط ...
وعامة موضوع المصادر المفتوحة هو في حد ذاته بحث علمي من أوله ﻵخره ... لدرجة إن مشروع تخرجك هيعتمد على مصادر مفتوحة ... بجد حاجة تفرح إن في في دكاترة مهتمة بالموضوع ده لدرجة دية ... مع انها جات متأخر بس احسن من مفيش ... حقيقي فرحتني
وبعدين يا أخي بلاش الحرج ده كله ... انا ايوة ضد مشكور بس مش ضد المناقشة ... ده انت حتي اقنعتني بأهمية تفعيل المنتدى ... عشان حرية المناقشة مش أكتر يعني متخافش من المسئولية يا أخي أحمد ... بس على فكرة هتبقى مسئول لما تبقى مطور لينكس ... :)