نظام المستخدمين والمجموعات

Clear

1

2

3

4

5

6

7

تقييم كلي: 7 (أصوات:1)

مفهوم نظام المستخدمين والمجموعات Users and Groups

حساب المستخدم هو بطاقة تعريف خاصة بنظام اليونكس عامة تسمح لهذا المستخدم بصلاحيات معينة أو استخدام تطبيقات معينة أو حتى تعامل خاص من جهة نظام اليونكس

وحتى من خلال تعاملك مع نظام اللينكس من أول الدخول حتى أغلاق الجهاز ... فأنت تحمل هوية معينة يتعرف عليها النظام ألا وهي أسم المستخدم

أنواع حساب المستخدم لا تخرج عن ثلاثة أنواع :

حساب المستخدم المطلق root :

وده حساب بيطلب منك كلمة المرور الخاصة به عند تثبيت النظام ﻷول مرة ... والعجيب في الحساب ده إنه فعلا حساب مطلق بمعني الكلمة ... فهذا المستخدم له جميع الصلاحيات من تعديل وحذف وانشاء أو حتى تدمير ملفات النظام ذاتها
وفلسفة اليونكس في ذلك إنها تفترض المعرفة المطلقة أيضا في هذا المستخدم ... وهذا على عكس اجراءات الويندوز الذي سيمنعك من أعادة تهيئة جزء السي C Partition ... وهذا على خلاف اليونكس تماما الذي سيبدأ بأعادة تهيئة القرص كله غير آبه لملفات النظام أصلا

ومن هنا دائما ما ينصح عدم استخدام هذا الحساب في اﻷجراءات اليومية ﻷستخدامك للينكس ...

حساب نظام System Account:

وده نوع خاص من الحسابات ... بيكون مخصص لبعض التطبيقات والخدمات اللي بيوفرها النظام ... وبيتم أنشاءه أثناء عملية تثبيت اللينكس وعند تثبيت تطبيقات معينة وخدمات أضافية للينكس ... فايدته متخصكش في حاجة لو أنت عايز تستخدم التطبيق وبس .. أما لو عايز تعدل شئ معين أو تطور أو تزود خاصية أو خدمة معينة فده أكيد هيتطلب منك معرفة متأنية نوعا ما بخصائص الخدمة دية وصلاحياتها ... ﻷنه أكيد واضح إن أي تعديل غير مدروس على الحسابات دية هيكون تأثير على النظام ذات نفسه ...
طبعا من أمثلة حسابات النظام دية apache,nobody,mail,mysql,...etc
وللمزيد حاول تعرض ملف etc/passwd/

حساب المستخدم User Account:

وده اكيد النوع البديهي ... اللي هو مستخدم النظام العادي اللي عايز يبقى له حق في الوصول للنت واستخدام كارت الصوت مثلا والتعامل مع ملفاته الخاصة بيه ويتجاوب مع بعض التطبيقات اللي هو عايز يستخدمها زي Openoffice,Firefox,...etc

وبالطبع المستخدمين دول بيكون ليهم صلاحيات مقيدة ناحية ملفات النظام وأجزاءه المهمة
أكيد ده اجراء أمني مش محتاج توضيح .


حساب المجموعة Group account:

دائما الحاجة إلى التصنيف حاجة طبيعية لا تتطلب تبرير ... مفروض إنت في حياتك أصلا بتقعد تشاور على أصحابك وتقول دول شلة الروشنة ودول شلة الفتونة وما شابه ... كذلك نفس الحال مع نظام اليونكس عامة ... فعندنا مثلا شركة مكونة من خمسين 50 موظف ... أكيد فيه منهم 17 بينتموا مثلا لقسم الفنيين و 5 بينتموا لقسم السكرتارية وهكذا ... فلو الشركة دية شغالة على نظام لينكس فأكيد هينكون محتاجين مجموعتين نصنف بيهم الفئتين دول ... وبكده نقدر نتعامل معاهم بالجملة ... يعني الصلاحيات لمجموعة السكرتارية هتكون بتخصهم كلهم وبدون تكرار للعملية أو استثناء ﻷحد من المجموعة المصنفة
للمزيد عن صلاحيات الملفات ... تابع نظام الملفات
طبعا واضح إن حساب المجموعة خارج أطار التلات أنواع اﻷساسية ﻷنه حساب تصنيفى لمجموعة من حسابات المستخدمين اﻷساسية ... لكن الشئ الجدير بالذكر إن النظام التصنيفي بتاع المجموعات ده مرن جدا ... لدرجة إنه ممكن يسمح ﻷكثر من حساب مستخدم إنه ينتمي ﻷكتر من من مجموعة في نفس الوقت على أختلاف الصلاحيات المتاحة لكل مجموعة ...