من الصفر...كيف أنطلق ؟؟
السلام عليكم ورحمة الله وبركاته
ده أول موضوع لي :)
بارك الله في كل الإحوة والأخوات القائمين على الموقع أو المشاركين كتابة أو قراءة..
أنا استفساري مش عارف هل هو سهل وبسيط ولا كبير..
دلوقتي أنا بإذن الله عايز أكون محترف لينوكس...
على الأقل كمستخدم عادي يعني مش لازم حاليا أني أدخل في ال kernel نفسها وكده...لأ
أنا بس عايز بعد فترة بسيطة أنسى موضوع الويندوز ده خالص وأبقى شغال على لينوكس بس ومش محتاج غيره..
فأنا عايز نصيحتكم..
كبداية حتى..
هل المطلوب أني كل يوم أفتح اللينوكس وأطبش فيه وأجرب وكده...وأقعد أشيله وأصطبه وأجيب برامج ووو..
ولا أقرأ الأول كتير عن اللينوكس وكده لغاية ما يبقى في دماغي سبعتلاف حاجة وبعدين أبقى أجرب إن شاء الله ((أنا بدأت أقرأ بالفعل في الموقع جزاكم الله خيرا وده اللي خلاني أحب اللينوكس أصلا))
ولا أحاول آخد كورسات في اللينوكس وأشوف الناس اللي متعلماه بالفعل وأخلليهم يعلموني
ولا إيه بالظبط ؟؟
أنا لسه بأبدأ من الصفر..
يا ريت تنصحوني يا أهل الخبرة
بارك الله فيكم
ده أول موضوع لي :)
بارك الله في كل الإحوة والأخوات القائمين على الموقع أو المشاركين كتابة أو قراءة..
أنا استفساري مش عارف هل هو سهل وبسيط ولا كبير..
دلوقتي أنا بإذن الله عايز أكون محترف لينوكس...
على الأقل كمستخدم عادي يعني مش لازم حاليا أني أدخل في ال kernel نفسها وكده...لأ
أنا بس عايز بعد فترة بسيطة أنسى موضوع الويندوز ده خالص وأبقى شغال على لينوكس بس ومش محتاج غيره..
فأنا عايز نصيحتكم..
كبداية حتى..
هل المطلوب أني كل يوم أفتح اللينوكس وأطبش فيه وأجرب وكده...وأقعد أشيله وأصطبه وأجيب برامج ووو..
ولا أقرأ الأول كتير عن اللينوكس وكده لغاية ما يبقى في دماغي سبعتلاف حاجة وبعدين أبقى أجرب إن شاء الله ((أنا بدأت أقرأ بالفعل في الموقع جزاكم الله خيرا وده اللي خلاني أحب اللينوكس أصلا))
ولا أحاول آخد كورسات في اللينوكس وأشوف الناس اللي متعلماه بالفعل وأخلليهم يعلموني
ولا إيه بالظبط ؟؟
أنا لسه بأبدأ من الصفر..
يا ريت تنصحوني يا أهل الخبرة
بارك الله فيكم
بسيطة بإذن الله
يا جماعة الموضوع محتاج الواحد يعتمد على اللينكس ويفهم مداخله ومخارجه وبعدين يبدأ يقول يا تطوير ...
ﻷ انا هعمل أول توزيعة عربية .. ﻷ توزيعة اﻷقصى ... يا سيدي الناس مش مقتنعة بإن فيه حاجة اسمها لينكس اصلا ...
طبعا دايما حالنا كده شتات في شتات ... وفي اﻵخر بنيجي ونزعل ونقول احنا مبنعرفش نعمل حاجة خالص ليه ؟؟؟
طبعا بدون أي شحنات سلبية ... يلا نقسم الموضوع مراحل
أول مرحلة عايزين نستغنى عن الويندوز ... هنقدر ... عايز مثابرة جامدة جدا ... قدها ولا ﻷ
تاني مرحلة عايزين ندير النظام بصورته العامة Administration وهنا الموضوع مش برامج خالص الموضوع إني انت تقضى احتياجاتك على الجهاز بتاعك من أول أصغرها حاجة لغاية خوادم اللينكس وخلافه
تالت مرحلة ودية خاصة بالتطوير ودية هتتقوقف على حاجات كتيرة جدا هنحاول نخصصلها أقسام عشان منتهوش
بس عامة مرحلة اﻷدارة دية Administration أساس لحاجات كتيرة جدا ...
طيب نركز اكتر لو عايزين نخلص مرحلة اﻷدارة دية نتصرف ازاي ... نحاول نتابع مشاريع توثيق كبيرة جدا .. موجود عدد قليل منهم في مشروع روابط ...ونحاول نتابع أي كتيب عشان نقدر نوصل ... طبعا اتمني إني أقولك على مصدر عربي كامل لكن للأسف لسه متوجدش ... فمؤقتا لازم تعتمد اﻷنجليزي شوية ...
وخلاصة الكلام فعلا هي إني انت تستغنى عن الويندوز ساعتها فعلا هتتعلم حاجات كتيرة جدا في اﻷدارة ومن غير متحس إني انت خصصت وقت عشان تذاكر حاجة اسمها Administration
وطبعا فيه شهادات
مثلا كشهادات Linux+,LPIC,RHCE وهكذا ... ولا تقلق أخي أحمد فحتى إذا كانت الشهادة خاصة بتوزيعة معينة ... فهذا في بعض اﻷوامر والمهام القليلة جدا ... فكله في المجمل لينكس ...
ومن ناحية الكورسات أو اصدقائك فهذا أيضا لا مانع منه ... ولكن يفضل اﻷعتماد على نفسك في البداية ... وهذه الشهادات متوفر لها كتب عديدة لكن أغلبها تأتي من برامج P2P Sharing ... يعني أول واجب عليك النهاردة إني انت تنزل البرامج دية أصلا وتبدأ تنزل
وبرده النت عليه حاجات كتيرة مجانا وامتحانات أيضا ... فمواقع التوزيعات مليئة بالمواد التعليمية Resources وهكذا ...
لكن كلمة أخيرة فالشهادة المعتمدة ليست كل شئ فكما لاحطت جملتي ... كنت أقول تابع المحتوى وهذا لا يمنع من انا تأخذها ... ولكن لا تقتنع ابدا انك انجزت شئ فنحن لم نترك عالم الويندوز لنذهب لعالم مثيل ...