وضاع الجرب Lost your Grub

Clear

1

2

3

4

5

6

7

تقييم كلي: 7 (أصوات:1)

طبعا غلط إن الواحد يترجم اختصار من عدة حروف في اﻷنجليزية للغة العربية ... ولكن آدي اللي وصلناله ... الجرب !

ما هو الGRUB ؟

هو أداة مصنفة تحت الBootloaders وهي مرحلة فيما بين الBIOS وبداية استلام نظام التشغيل لبيانات الجهاز وتقويمه ... وعادة لا تظهر إلا إذا كان فيه أكتر نظام تشغيل على الجهاز ... طبعا مفروض بقى تبقى فاكر إن الbootloader ده تعريف خاص باللينكس ولا حاجة ... ﻷ طبعا الويندوز ذات نفسه فيه bootloader بيظهر في حالتين
*لما تنزل أكتر من نسخة ويندوز على الجهاز
*لما تضغط F8 فيما بعد مرحلة تخليص الBIOS بالظبط .. هي أمتى بتخلص ؟

ازاي نثبت الGRUB ؟

خيارات تثبيته كتيرة جدا ... لو انت بتعمل توزيعة من الصفر طبعا هتعدي على مرحلة تثبيت الGRUB Bootloader بإيديك ... لكن ده مش موضوعنا دلوقتي

موضوعنا إننا كان عندنا أكتر من نظام تشغيل على قايمة الGRUB ... وﻷي سبب راحت القايمة .. بمعنى أصح الGRUB اتمسح من المكان الحرج اللي كان نازل عليه ده ... ومفروض نرجعه ؟

طبعا أسباب ضياعه كتير ... لكن أشهرهم هو تنزيل نسخة ويندوز ... أو عمل Format لقسم C بتاع الويندوز ... وهكذا أي تعامل مع القسم اللي نازل عليه الGRUB

أسهل طريق متاح :

هو اﻷسطوانة اﻷولى من التوزيعة بتاعتك ... وفي حالتنا هنا سوزة OpenSUSE

1- بتقوم اﻷسطوانة عادي جدا ... لغاية لما تجيلي عبارة الترحيب اللي بكل اللغات ما عدا العربي
2- تدخل على خيار عادي جدا كأنك هتنزل التوزيعة
3- تقوم بألغاء هذه الشاشة ....... Press Cancel
4- هتلاقي شاشة خيارات مختلفة شيئا ما ... تختار منها Boot Installed System
5-طبعا هتختار تقوم سوزة ...
6-ومن هناك وبعد السوزة تخلص تحميل تدخل على YAST>>BootLoaders>>Reconfigure GRUB

بقية الطرق مستخلصة من هذا الطريق :

*مفيش اسطوانة التوزيعة ... عمل قرص مرن Floppy Disk عليه الGRUB ومنه تقوم الجهاز وبعدين تنزله على الجهاز من خلال واجهة اﻷوامر الخاصة من GRUB
*برده مفيش اسطوانة التوزيعة وعايز تعمل الموضوع ده على اسطوانة فارغة ... هتبقى نفس الخطوات بتاعة القرص المرن

والطريقتين دول محتاجين يكونوا معمولين قبل ما يختفى الGRUB ... يعني حاجة كده احتياطي ... ﻷن كل أومر عملهم محتاجة بيئة جنو/لينكس

الطريقتين دول همهم إنهم يوصلوك لواجهة اﻷوامر بتاعة الGRUB ومن هناك تروح منزل الGRUB تاني بسلام ...

1-يبقى لو عندنا أي توزيعة حية موجودة على اسطوانة أو DVD ...ممكن ندخل عليها ونوصل لواجهة أوامر GRUB
2-أو من خلال Rescue System ... الخاص بتوزيعتك (OpenSUSE) ... واللي موجود في اﻷسطوانة اﻷولي من اسطوانات تثبيت توزيعتك... آسف نسيت إن اﻹسطوانة دية مش موجودة !

خلاص وصلنا لواجهة أوامر GRUB
نكتب الكام أمر ...

andalusy@LiveCD:~ $ su

Password :

 grub> root (hd0,0)

 grub> find /boot/grub/stage1

grub> setup (hd0)

%% to install at the partition sector not the MBR use 

grub> setup (hd0,0)

ملاحظات على اﻷوامر دية ... أولا
*عملنا الroot أول قسم -0- في أول هارد -hd0- متركب على Primary Master
*بعدين بنبحث عن الملف stage1 ... اللي موجود أكيد في قسم اللينكس ... وبالتالي لازم تكون ألحقت القسم ده بالجذر ... يعني تكون عملت mount للroot partition
*وبنزل الGRUB على أول Sector اللي هو اسمه MBR ... وممكن تنزله في أول Sector من أول أي قسم Partition


فيه طريقة أخيرة باستخدام أمر grub-install ومن غير واجهة أوامر GRUB ... كل اللي محتاجينه سطر أوامر ... ممكن يتوفر من اسطوانة حية أو نظام اﻷنقاذ ... وموجودة كحل بديل فيه منتديات كتيرة جدا ... لكن اﻷحوط عدم اعتمادها ... ﻷنها أحيانا ... بنقول احيانا بطلع رسايل خطأ إنت في غني عنها .. ولو مطلعتش ... بتسيب على الGRUB مسئولية تخمين البيانات اللي بيستلمها من مرحلة ال BIOS

مزيد من المراجع :

*صفحة توثيق أداة GRUB
*ويكي موقع أوبتنو عن اعادة تثبيت الGRUB
*كيفية الحاق اقسام القرص بالجذر Mount Points